Международная Христианская Миссия Св.Серафима Платинского
(Библия)
"Итак идите, научите все народы, крестя их во имя Отца и Сына и Святого Духа,
Уча их соблюдать все, что Я повелел вам; и се, Я с вами во все дни до скончания века. Аминь."
"Тогда и они скажут Ему в ответ: "Господи! когда мы видели Тебя алчущим, или жаждущим или странником, или нагим, или больным, или в темнице, и не послужили тебе?" Тогда скажет им в ответ: "истинно говорю вам так как вы не сделали этого одному из сих меньших, то не сделали и Мне". И пойдут сии в муку вечную, а праведники в жизнь вечную. Аминь.
|
 |
Международная Христианская Миссия
Св. Серафима Платинского
Акафисты:
Всем Святым, в земле Американской просиявшим
 Кондак 1
Избраннии от Бога святии угодницы, в земли Американской просиявшии и Церковь православную, якоже звезды светлыя украсившии, верою сошедшеся днесь восхваляем пречестную память вашу. Вы же, яко имущии дерзновение ко Спасу, от всяких бед нас свободите зовущих:
Радуйтеся, святии вси, в земли Американской просиявшии.
Икос 1
Ангелов и человеков Творче и Царю, отверзи ныне грешная уста наша достойно воспети вся святыя Твоя, благодатию Твоею в земли Американской просиявшия и Тебе, Бога нашего, благочестием своим прославившия, да с любовию зовем им таковая:
Радуйтеся, священномученицы , кровьми вашими на Аляске Русской Церковь Христову утвердившии, от неяже и мы освящение прияхом.
Радуйся, юный Петр, первомученик Алеутский, от еритиков прежде просвещения страны Американской, верой истинной за Христа пострадавший.
Радуйся, Иннокентие, тьму язычества духом Христовым прогнавший.
Радуйся, равноапостольный святителю Иннокентие, земли Американской славный крестителю.
Радуйся, патриарше Тихоне, Церкви Русския мучениче и православнаго благочестия в земли Американской насадителю.
Радуйся,преподобний отче Германе,инок Валаамский святыя земли Аляскинской устроителе и жития иноческаго в земли Американской основателю.
Радуйтеся, святии вси, в земли Американской просиявшии.
Кондак 2
Видев Господь скорби и утеснения малаго словеснаго стада Своего, в земли Аляскинской от идольскаго злочестия озлобляема, крепкую помощь Свою дарова,послал иноков Валамских да посрамивше прельщение вражие, в вере Христовой народ утвердится и непрестанно поет: Аллилуиа.
Икос 2
Разумом истиннаго богопознания неверных людей земли Американской древния верою Христовою просветили есте, проповедницы богоноснии, вразумляя тех силою словес ваших и дивных чудес, вся святыя, в ней просиявшии, ихже делания ныне восхваляюще, ублажаем их тако:
Радуйся, первомученик Иувеналий, в жертву чисту себе Богови принесший.
Радуйся, Серафиме священномучениче, страны Американской просветителю.
Радуйся, Иоанне, Чикагской земли благовестниче и земли Русской первомучениче.
Радуйся, схимонах Сергий Христу верно послуживший, и слабых в вере укрепивший.
Радуйся, святителю Николай Сербский, слова Божия изрядный проповедниче.
Радуйтеся, Германе преподобне, Аляски и всея Америке просветителю, со Макарием, Ювеналием, и Афанасием.
Радуйтеся, святии вси, в земли Американской просиявшии.
Кондак 3
«Сила Божия, в немощех человеческих совершающаяся» - рече апостолу Павлу Бог, укрепляше вас, святии угодницы Божии, в земли Американской Господу многообразне послужившии, Емуже купно с вами выну поем: Аллилуиа.
Икос 3
Имуще облежащ нас толик облак свидетелей, все множество святых в земли Американской просиявших, торжествуем радостно и духовно веселимся, приносяще им хвалебное пение сие:
Радуйся, Иоанне, Шанхайский и Сан-Франциский Американской земли святителю и храмов Божиих усердный здателю.
Радуйтеся, Аверкий святитель и златауст Русский, Колифорнии звезда пресветлыя.
Радуйтеся, Американской страны просвятителю Леонтий, Чилийский чудотворче.
Радуйтеся, святителю Филорете, Нью-Йорский подвижниче и учителю.
Радуйся, святитель Нестор защитник Сан-Франциский .
Радуйся, преподобный Герасим, Аляски покровитель и украшение.
Радуйтеся, святии вси, в земли Американской просиявшии.
Кондак 4
Буря нечестия идолобожнаго, аще и восставаше по временам в земли Американской на Церковь Христову православную, обаче потопити ю не возможе: доселе бо стоит в чине своем, победно поюще Богу: Аллилуиа.
Икос 4
Слышаша святии угодницы земли Американской сладчайший глас Христов: «Иже хощет по Мне идти, да отвержется себе. И возмет крест свой и по Мне грядет», и чрез все житие свое крест Творцом данный понесше, ныне покой безболезненный и вечный в райских обителех обретоша. Сего ради слышат от нас таковая:
Радуйтеся, мучениче, святый брате Иосифе икон живописателю и весь бесчисленный лик прочих мучеников, от Господа прославленных.
Радуйся, мучениче брате Иосифе, прославлению Иверской иконы Богоматере послуживый и за службу Царице душу свою положивый.
Радуйся, изрядно почитаемая Богородице Марие, в иконе Твоей, «Иверская» именуемая.
Радуйся, от всех Небесных Сил приснопеваемая Госпоже и Заступнице наша, Курско-Коренною иконою пронесенную чрез Америку, землю сию освятившая.
Радуйтеся, вси святии Американскии, нами именуемыя и их же имена Единому Богу ведомыя, в обителех Отца Небеснаго ликовствующия.
Радуйтеся, святии вси, в земли Американской просиявшии.
Кондак 5
Бурею искушения и бед от богоборцев и жидов, гонимых веры ради православныя и жития чистаго и единаго точию на потребу ища, еже како Богу угодити, покинули еси землю Русскую, и достигли Американской страны, Богородице икону Одигитрию Русского исхода яко щит и стена необоримая в пути водительнице с собой понесли еси, обитель Божией Матери в Америке учредив, в нейже с лики иночествующих немолчно вопиют Богу: Аллилуиа.
Икос 5
Странствие земное многоскорбное и многомятежное услаждаеши нам Матерним Твоим о нас попечением, Богородице, и во дни скорбных обстояний помощь святую являеши нам во спасение. Егда жиды и народ помраченный врагом плененный царя православного пленили и на смерть врагам предали, отечество разорили, святых убили, храмы поруганию предали. Ты Мати воистину благая даровала в земле Американской иконы Твои вси верныя с радостью и утешением видят образ Твой и покаяние принесут и славу Сыну Твоему воздадут, благодарственную воспеша Тебе:
Радуйся, первейшая наша похвало, Мати Божия и Мати христианская, иконами Твоими честными, землю Американскую посещающая.
Радуйся, брата Иосифа на служение Тебе избравшая.
Радуйся, мучениче брате Амвросие монастыря Троицкого украшение, со всеми угодники и чудотворцы.
Радуйся, угодниче брате Хусэ Божией Матери, от Нее венец райский восприявый.
Радуйся, Мати Божия, всех Американских святых на труды и подвиги укрепившая.
Радуйся, Царице Богородице, всех правоверно верующих в Америке Своим честным покровом покрывающая.
Радуйтеся, святии вси, в земли Американской просиявшии.
Кондак 6
Боготечныя и светоносныя лучи явистеся, святии в Америке благодатию землю озаряющии, различными подвиги Богу угодившия и Христа прославившия. Восхваляем ваше преславное житие во святительстве, мученичестве, исповедничестве, пустынножительстве, в горах и пещерах, вси бо вы преподобием и правдою Богу послужившия, во веки веков согласно воспеваете ангельскую песнь: Аллилуиа!
Икос 6
Возсияли есте нам святии, преукрашеннии изобилием многоразличных даров, имиже венча вас подвигоположник Христос. Прибегающе бо к вам не всуе труждаемся: Божию благодать и милость улучаем молитвами вашими. Сего ради вопием вам:
Радуйся, Нектарий, молитвенниче Сиэтлский и благочестия ревнителю великий.
Радуйся, Нектарие, Сиэтла похвало, святителю препростый, добрый и премудрый.
Радуйся,преподобне отче Серафиме граду Сан-Диего радование и Платины сияние.
Радуйся, и ты, Серафиме преподобне, радосте наша, подвижниче Платинский пречудный.
Радуйся, богослове Серафиме устроителю обители Германовой богомудрый.
Радуйтеся, яко имена ваша написана суть на небесех.
Радуйтеся, святии вси, в земли Американской просиявшии.
Кондак 7
Вси небеснии силы ублажают собор земли Американской угодников и непрестанным гласом величают Премудраго Творца, Дивнаго во святых Своих Бога нашего и Церковь Христова православных чад ея на земли сей, идеже подвизались святии, согласно воспевает: Аллилуиа!
Икос 7
Вся отложше попечения житейская и самех себе отвергшеся, неуклонно Христу последовасте, присноблаженнии; не может язык изобразити и воспети достойно веру вашу и любовь, труды и болезни, терпение и злострадания, имиже в радость Господа своего вошли есте. Сего ради восхваляем вас сице:
Радуйся, игумене Брендане достоблаженне, Американский благовестителю спасения.
Радуйся, отче Брендане, Флориды покровителю и защитителю.
Радуйся, воине Христов, к святым сопричтенный.
Радуйся, владыко Анатолий, народа Аляски учителю.
Радуйся, святый друг Анатолий, слепым путь указующий.
Радуйся, отче Анатолий, беззащитных народов малых хранителю и слова Божия изрядный проповедниче.
Радуйтеся, святии вси, в земли Американской просиявшии.
Кондак 8
Спасению нашему ходатаи бысте, угодницы Божии земли Американской, сего ради молим вас — будите нам помощницы в христианстем благочестии и образы жития спасительнаго? о нас молитеся, да избавльшеся от суеты и вражиих наветов, благодарно вопием Богу: Аллилуиа!
Икос 8
Витий художество превзошедше, святии, благодатную силу веры Христовы житием и подвиги своими всему миру явиша, благодатию Божиею неустанно невидимаго врага попирающе. Сего ради зовем:
Радуйся, отче Севастиане свет Христов во тьму языческую несший.
Радуйся, преподобне Севастиане, проповедниче Сан-Франциский.
Радуйся, Севастиане отче преподобне, человек многих от зловерия идольскаго ко Христу приведший.
Радуйся, святителю Рафаиле, молитвенниче Бруклинский и благочестия ревнителю великий.
Радуйся, Рафаиле, града Бруклина и всей стране Американской светило пресветлое.
Радуйся, апостоле Бруклинский и всем языкам отче добрый.
Радуйтеся, святии вси, в земли Американской просиявшии.
Кондак 9
Всеблаженнии отцы наши, стезею постническаго жития, непрестанною молитвою и добропобедными подвигами Господу благоугодили и Всесвятое имя Его в Америке прославили. Тем же ублажающе труды и подвиги ваша согласно воспеваем со всеми вами песнь Богу: Аллилуиа!
Икос 9
Витии многовещаннии не возмогут по достоянию воспети славу, от Господа уготованную святым Его во Царствии Небеснем, еяже наследницы сподобилися еси быти, святители, преподобнии, мученицы, и все святии в земле Американской просиявши. Сея славы сопричастницы и нас сподобите быти святыми, вашими молитвами, да воспоем вам радостно:
Радуйся, отче Александре, в Аляске и Америке ростки веры садивший.
Радуйся, Александре монах верный, слезы и молитвы на пашню добре ливший.
Радуйся, Александре, трудами своими Америку освятивший.
Радуйся, владыко Савва правды в Церкви ревновавший.
Радуйся, отче Савва, сердца наша благоуханием веры поивший.
Радуйся, святителю Савва, нечестивых грозно посрамляющий.
Радуйтеся, святии вси, в земли Американской просиявшии.
Кондак 10
Пение всеумиленное приносим вам, преподобнии отцы наши, перед святым образом вашим предстояще и молящеся прилежно, яко сподобилися есте небесных обителей, тако и нас доведите вашими молитвами Царствия Небеснаго, да воспоем Богу: Аллилуиа.
Икос 10
Светозарнии лучи многообразных подвиг ваших, святи, всяку душу христианскую ко умилению и ревности о спасении побуждают, вам же пети подвизают таковая:
Радуйся, Тихоне, Сан-Франциско похвало, святителю препростый и душеводителю ко Христу премудрый.
Радуйся, Тихоне, Сан-Франциско учителю, медоточивая уста, Христова Евангелия вещателю сладчайший.
Радуйся, Тихоне, святителю Сан-Франциский, светильниче преизрядный.
Радуйся, Иоанне княже Дмитрий, радосте наша, подвижниче Американский пречудный.
Радуйся, Иоанне, молитвенниче Сан-Франциский и благочестия ревнителю великий.
Радуйся, Иоанне, страны Американской предстоятелю и ходатаю пред Богом неленостный
Радуйтеся, святии вси, в земли Американской просиявшии.
Кондак 11
Благодать и милость испросите нам у Бога, отцы преподобнии, молитвами вашими, да утвердившеся в заповедех Его, получим спасение вечное и, присно величающе вы хвалами благодарными, воспоим Богу: Аллилуиа.
Икос 11
Стена есте и заступление всем, с верою к вам прибегающим, святии, вам бо дадеся благодать всем требующим полезная даровати: недужным исцеление, скорбящим утешение, в напастех сущим избавление, да воспоем вам таковая:
Радуйся, Спиридоне земныя обители звезда небесная.
Радуйся, преподобне Спиридоне и ныне посещаеши Америку твоим духом праведным.
Радуйся, Пресвятыя Троицы служителю верний.
Радуйся, Митрофане, Ангелом собеседниче предивний.
Радуйся, пастырю Митрофане благодатию Пресвятого Духа приосененний.
Радуйся, Митрофане, жития нашего наставниче, пастырю преискренний.
Радуйтеся, святии вси, в земли Американской просиявшии.
Кондак 12
Благодать Господа нашего Иисуса Христа, и любовь Бога и Отца, и причастие Святаго Духа испросите нам, святии угодницы Божии, да силою и действием Пресвятыя Троицы ограждаеми, избегнем пагубы, ересей и раскола, православно поюще: Аллилуиа.
Икос 12
Поюще богоугодное житие ваше, святии земли Американской, величаем ревностное о Господе проповедание, страдание яже за Христа и подвиги пустынножительства, благодарно славословим прославльшаго вас Творца и Благодателя и смиренно молим вы — испросите у Христа Господа всем верным милость Его и прощение, да усердно воспоем вам:
Радуйся, святителю Анастасие богомудрый и смиренный подвижниче.
Радуйся, владыко Анастасие, украшение Церкви Божией, в Америке поживший.
Радуйся, учитилю Анастасие, яко благословением твоим правоверие в Америке укрепивый.
Радуйся, боголюбивейший Андриане, святителю Андрее, вся прилоги вражия молитвою попаливый.
Радуйся, владыко Андрее, в простоте поживший и мир посрамивый.
Радуйся, Андриане, терпению житием твоим научивый.
Радуйтеся, святии вси, в земли Американской просиявшии.
Кондак 13
O, преславнии угодницы Божии, святии вси в земли Американской просиявшии, на небесех же Троице Святей предстоящии и славы вечныя причастницы явльшиеся, нынешнее наше пение и возсылаемыя сердечныя моления сия приимите. Исцелите многообразные недуги душ и телес наших и предстательством вашим испросите у Христа Бога избавление от напастей, от всех бед и скорбей, в Православней вере до конца жития сего непоколебими пребывати и в будущем веце Небеснаго Царствия наследницы быти, поюще с вами ангельскую песнь: Аллилуиа, аллилуиа, аллилуиа!
Этот кондак читается трижды, затем читаются 1-й икос и 1-й кондак.
Молитва всем Святым земле Американской просиявшим
O, все святии в земли Американской подвизавшиеся! Богоноснии отцы, пастырие и учителие, постницы и исповедницы, и вси праведнии, по Богородице наши предстателие пред Господем! Ублажаем ваше святое житие, светильницы Божественнии, звезды светом веры и добродетели светящиеся и наша умы и сердца богомудренне озаряющия, всю же вселенную высоких добродетелей светлостьми удивившия и всю Американскую землю светом Евангелия Христова просветившия.Приимите похвальная словеса сия, наши к вам усердныя молитвы и коленопреклонения, яже вам приносим. Светлое празднество в честь и память вашу совершаемое нами, обымите яко воню благоухания и жертву благоприятну. Умоляем вашу богоподражательную любовь, предстателие наши и покровителие: сохраните вся грады и веси земли православныя от огня, трясения и бурных ветров, от глада, нашествия иноплеменников и междоусобныя брани. Оградите нас от всякаго зла и посетите нас в немощех наших.
Молитвами вашими утвердите Православие Церкви в земле Амеранской и сохраните словесное стадо свое в вере и добродетели. В терпении и подвизех сами пожившии, оградите и нас от прелести мира сего лукаваго, да отвергшеся себе и вземше крест, последуем Христу. Помяните нас у Престола Вседержителя Бога, Ему же предстояще и со ангелы ликовствующе, можете и нам, напатствуемым, помощи, да безбедно преплывше житейскую пучину и невредимо соблюдше сокровище веры, пристанища вечнаго спасения достигнем, славяще купно с вами Отца и Сына и Святаго Духа в безконечныя веки. Аминь.
Преподобному Серафиму Платинскому чудотворцу
(память 2 сентября)
(от Братство Серафима Платинского Русского народа с благодарностью любимому батюшке Серафиму)
Кондак 1
Избранный чудотворче и преславный угодниче Христов, преподобне Отче Серафиме, веры православной светильниче и земли Американской и всей вселенной благодатный заступниче и усердный молитвенниче, Ты же яко имея дерзновение ко Господу, молитвами твоими от всяких нас бед свободи еси, да зовем Ти:
Радуйся, преподобне Отче наш Серафиме, Платины и всея Америки преславный Чудотворче.
Икос 1
Ангелов Творец предизбра тя, Отче Серафиме в последния времена, быти проповедником православныя веры в земли Американской, через книг свещенных писаниеми и печатанием, Крест Христов на горе Платинской водрузив и народы во тьме и сени смертной бывшие светом христовой веры просветив еси, благодарные же люди воспевают тебе, яко небесному покровителю похвалы сия:
Радуйся, Отче наш Серафиме Фаворским светом озаренный.
Радуйся, пророк в Сан-Диего рожденный
Радуйся, опора грядущим путем правым и истинным.
Радуйся, истину поискавый и любовью к Богу и Раю весь мир удививый.
Радуйся, добрый путевождь ко спасению нам явивыйся.
Радуйся, Крестителю в служении подражающий.
Радуйся, всем от Православия отошедшим грозный учителю.
Радуйся, тайн монашества усердный хранителю.
Радуйся, яко старший брат всех немощных по сей день охраняющий.
Радуйся, бездомных защитителю от враг видимых и не видимых.
Радуйся, в темнице заключенных свободитель и в узах томящихся посетитель.
Радуйся, одиноких и оставленных на одре болезненном заступниче и молитвенниче.
Радуйся, преподобне Отче наш Серафиме, Платины и всея Америки преславный Чудотворче.
Кондак 2
Любовью ко Творцу всяческих пламенея, пути и веры истинной поискал еси, в Собор «Всех Скорбящих Радости» пошел еси, и Духом Святым был наставим еси Веру Православную обрел еси и в радости и ликовании Триединому Богу воспел еси: Аллилуиа.
Икос 2
Разумом Богопросвещенным постигл еси суету мира сего и непостоянство и вожаждав подвига великого и жития «не от мира сего» Ангел же Божий брата Германа на путех твоих направив, и святого учителя Иоанна благословение получив, еси в леса Северной Калифорнии убежав еси, мы же радующиеся таковому о тебе Божию промышлению со умилением зовем Ти:
Радуйся, яко своим подвигом родителей и сродников удививый.
Радуйся, сосуде избранный, во еже служити Богови и наставляти люди ко спасению нам дарованный.
Радуйся, Русь Святую пламенно полюбивый.
Радуйся, светом истинной Веры Американскую землю освятивший.
Радуйся, новый Серафиме во исповедывание твоем Православныя веры.
Радуйся, преподобного Серафима на земли соимените.
Радуйся, преподобного Германа на небеси сомолитвениче.
Радуйся, доблестный воине Царя Небеснаго.
Радуйся, Рай паче богатства всего мира возлюбивый.
Радуйся, соль на земли Американской.
Радуйся, драгоценная звезда новая на небо райское вошедшая.
Радуйся, столп страждущего православия.
Радуйся, преподобне Отче наш Серафиме, Платины и всея Америки преславный Чудотворче.
Кондак 3
Весь исполнен был любви к Господу и святым Его, к преподобному Герману молитвы воспевая и помощью его святой лавку церковную в Сан -Франциско устрояя, народу запада иконы святые и книги духовные давая и слепоту его исцеляя о всех приходящих руки к Творцу поднимая и слезы проливая и крестом мысленно их осеняя, чудо лавки дивясь воспевал еси божественную Богу песнь: Аллилуиа.
Икос 3
Возсиял еси в Сан-Франциско светильник ясный и чистый, Братства православное собирая и силы на брань накопляя и святителя Иоанна как родного духом отца с иконой Богородице принимая всех приходящих с улыбкой и радушием сердечным встречая и в мир с новым сердцем христовым провожая, прими от нас благодарную песнь сию:
Радуйся, Сан-Франциско в Духе Божием обновляющий.
Радуйся, слепым глаза открывающий и на путь истинный направляющий.
Радуйся, земли Американской исповедниче и покровителю.
Радуйся, словом мудрым всех притекающих в лавку к тебе питающий.
Радуйся, светильниче им же мнози человецы просвещаются.
Радуйся, благоуханный цвете благодати во мраце безчестия запада дивно процветший.
Радуйся, огонь веры живой в Сан-Франциско возсиявый.
Радуйся, всея Америки новый чудотворче.
Радуйся, икону Богородицы со страхом и любовью принимающий.
Радуйся, силу любви от Царицы неба получивый.
Радуйся, в братолюбии делателю прилежный.
Радуйся, нивы Христовой изрядный возделывателю.
Радуйся, преподобне Отче наш Серафиме, Платины и всея Америки преславный Чудотворче.
Кондак 4
Имея Божие промышление и сугубые заступники и покровители преподобных отцов Серафима и Германа, добродетели тех в сердце стяжал еси, и Слово православное печатав на горе Платинской с братом Германом подвиг творил еси, о плененной России и Церкви Катакомбной на весь мир правду нес еси люди укрепленные и просвещенные словом истины и примером и подвигом новомученников воспевали Господеви: Аллилуиа.
Икос 4
Новое житие твое на горе Платинской в сладость сердцу твоему, после бури житейского моря ты притек к тихому пристанищу иноческого пострига удостоен был еси, и сана священнического, предстоя у Святого Престола ты с высшим рвением устремися подобитися равноангельскому житию: холод, голод, и гонение от лже братии претерпевая, мы же ублажая твои подвиги, и любовь к Сладчайшему Иисусу вопием Ти:
Радуйся, дивный подражателю жития отцов Сергея и Германа.
Радуйся, пустыне Германовой устраителю.
Радуйся, Братства Германова и Валаама Америки основателю.
Радуйся, на подвиги святителем Иоанном благословенный.
Радуйся. Благословение сие яко святыню до смерти соблюдый.
Радуйся, ум твой и сердце в Бозе молитвенно утвердивый.
Радуйся, в чине ангельском безплотно поживый.
Радуйся, страждущим в России утешение подающий.
Радуйся, монашеского жития узкий путь избравый.
Радуйся, обители Германовой слава и удобрение.
Радуйся, на труд и подвиг духовный нас воздвигающий.
Радуйся, униженных и гонимых покровитель добрый.
Радуйся, преподобне Отче наш Серафиме, Платины и всея Америки преславный Чудотворче.
Кондак 5
Хотя учителя своего, святителя Иоанна на земле прославити, житие святое его описал еси. Акафист ему сочинив еси, пение хвалебное Богу и святителю воспевал еси, и мы купно с тобой и всеми святыми радостно поем Богу: Аллилуиа.
Икос 5
Дух Святой в тебе, Отче наш Серафиме преизобильно действуя Бога во святых прославляя, жития их чудное и славное на весь мир через слово печатное проповедуя. Ты явился еси во времена великого ослепления и отступления, истинный любитель Православия и восстановитель почитания святых новых и забытых Востока и Запада, мы же ведущее сие благодарно воспеваем Ти:
Радуйся, друже и любителю святых Божиих.
Радуйся, в молитвах святителя Иоанна присно призывающий.
Радуйся, того помощию святых прославляющий.
Радуйся, Русского благочестия и духа Святой Руси достойный восприемниче.
Радуйся, Царственных Мучеников и святителя Иоанна чудотворца усердный почитателю.
Радуйся, восстановителю почитания святых востока и запада.
Радуйся, престола царского и царей любителю и ревнителю.
Радуйся, возрождающийся Святой Руси устроителю.
Радуйся, народ Русский к покаянию за грехи вероотступничества, и цареубийства призывающий.
Радуйся, Святым службы и песнопения посвящающий.
Радуйся, яко Иова Почаевский печатным словом Христа проповедавый.
Радуйся, яко Герман Аляскинский пустыннолюбие стяжавый.
Радуйся, преподобне Отче наш Серафиме, Платины и всея Америки преславный Чудотворче.
Кондак 6
Проповедник православные веры и благочестия житие твое Отче Серафиме Ты же, подобно Крестителю Господню, взывал еси: «Уже позже чем Вы думаете, покайтесь, приблизилось бо царствие небесное, души свои спасайте, брата не осуждайте, ереси Сергианской тикайте, истину храните, аромат православия любите, како сладко есть с Богом жити и пети Ему»: Аллилуиа.
Икос 6
Православия истинный ревнитель, небоязненый обновленцев обличитель, Катакомбной Церкви и Святой Руси любитель, аромата православного хранитель, проповедуя смело и ясно, яко страшно Церкви духу времени следовать еси и политику и власти мира паче Бога любити, поминающе болезни и труды твоя за Христа, мы с любовью восхваляем Тя сице:
Радуйся, в Раю ныне ангельскую песнь воспевающий.
Радуйся, лоза Христова пышно цветущая.
Радуйся, светильниче последнего времени.
Радуйся, крест страданий в радости нести учивый.
Радуйся, ангелов приятный собеседниче.
Радуйся, блуждающих во тьме неверия и ереси светозарный наставниче.
Радуйся, древних пустынников искусный подражателю.
Радуйся, земли Американской молитвенное ограждение.
Радуйся, Вселенской Церкви преславный столпе.
Радуйся, спасающимся утешение и ободрение.
Радуйся, молитвенниче за всех плачущих и скорбящих.
Радуйся, болезнованию сердца о благочестии научающий.
Радуйся, преподобне Отче наш Серафиме, Платины и всея Америки преславный Чудотворче.
Кондак 7
Братство устрояя, козни от врага претерпевая, как одна душа живая в духе единая отцам Валаамским подражая, Отче Серафиме и Отче Германе друга укрепляя болезнь, печаль, скорбь и радость разделяя, брата утешая и любя обнимая всегда быть рядом в Раю обещая еси, мы славяще Троицу Святую даровавшею любовь верную и братскую и Ей воспеваем: Аллилуиа.
Икос 7
Имея слез источник изобильный, угодниче христов и умиления велию благодать келию свою слезами орошая, от преизбытка желания божественного и любви ко Господу о Рае потерянном печалясь и скорбя еси тем же и мы ублажаем тя званими сими:
Радуйся, друг истинный и брат верный.
Радуйся, о помилование России Господа просивый.
Радуйся, о людях доброе моление возносивый.
Радуйся, Отче наш новый и предивный.
Радуйся, яко никомуже злом за зло не воздававый и по глаголу Христову за врагов своих моливыйся.
Радуйся, Христу работати и искренне Ему служити всех людей научавый.
Радуйся, усердный молитвенниче о всех притекающих к тебе.
Радуйся, яко своими подвигами ты преподобным отцем Валаамским уподобивыйся.
Радуйся, тихого нрава любомудрий носителю.
Радуйся, даже до смерти за Христа пострадати желавый.
Радуйся, слез не истощимый кладезю.
Радуйся, яко райское утешение во уме твоем присно предносиши.
Радуйся, преподобне Отче наш Серафиме, Платины и всея Америки преславный Чудотворче.
Кондак 8
Бури духа обмирщения и ереси сергианской, дьяволом на западе воздвигнутой, не устрашился еси но мужественно вооружился духом истины и мечом слова правды о Царственных мучениках и ново- мучениках России на весь мир яко колокол звонкий вещал еси, в Руки Господа всецело себе предав, радостно воспевал Ему: Аллилуиа.
Икос 8
Слышав о тяжких страданиях верных за имя Христово претерпеваемых и в узах томящихся за веру Православную верными православными из России плененной врагами Святой Руси тайно рукописания святых отцов в Платину доставляя, ты Отче труды изучая и на весь мир слова святых оглашая, воспел еси: «сегодня в России а завтра в Америке готовьтесь к страданию за Имя Христа» дивясь словесам пророчества умильно воскликаем:
Радуйся, чаша жаждущих учения спасительного напоившая.
Радуйся, скорый помощниче в бедах сущим.
Радуйся, проповедниче страждущего православия.
Радуйся, глубинно зрения судеб Божиих.
Радуйся, полагающий жизнь за Веру, Царя, и Русь Святую.
Радуйся, нищих защитителю.
Радуйся, утешитель исповедников Христовых.
Радуйся, посетитель заключенных в темницах.
Радуйся, ереси Сергианской обличитель.
Радуйся, веры истинной хранитель и любитель.
Радуйся, Церкви Русской Православной непоколебимый столпе.
Радуйся, с Царственными Мучениками за Русь молитвенниче.
Радуйся, преподобне Отче наш Серафиме, Платины и всея Америки преславный Чудотворче.
Кондак 9
Все житие твое исполнено печалей и скорбей еси и плачем о Рае потерянном, у Престола Божия служащии в сане священном ты был яко ангел, ликом небесным светом озаренным и сподобивыйся Ангела небесного сослужащего тебе в алтаре, благоговея перед твоею святостью и величием в Бозе, со страхом и умилением в радости поем Творцу: Аллилуиа.
Икос 9
Не от мира сего явился еси, Отче Серафиме, духом обитая в обители небесной, Платину молитвой ограждая и святой водой окропляя гостей небесных встречая, красоту земную созерцая, любя яко в Раю Адам, звери же царя твари зряше в тебе, Отче святой, желая послужить тебе, мы же, дивящиеся о тебе таковому промышлению со умилением вопием Ти:
Радуйся, человече небесный и ангел земной.
Радуйся, пустынный житель а в телеси ангел.
Радуйся, молитвиниче наш предобрый.
Радуйся, ангельского сослужения сподобивыйся.
Радуйся, о потерянном Рае плачущий.
Радуйся, к звездам в Рай зовущий.
Радуйся, небесным силам духом своим приобщивыйся.
Радуйся, Ангелов и святых собеседниче сладкий.
Радуйся, подвигов пустынных подражателю и ревнителю.
Радуйся, в красоте земной отражение Рая созерцавый.
Радуйся, жертву безкровную со страхом и трепетом приносивый.
Радуйся, земных страстей свободивыйся.
Радуйся, преподобный Отче наш Серафиме, Платины и всея Америки преславный Чудотворче.
Кондак 10
Мученическую кончину твою на смертном одре чада твои видевшее, яко на Кресте распятого, пять дней и ночей дивилися терпению твоему и смирению, Отче Серафиме, страшным недугом пораженного, ты, к Отцу Небесному взывая и врага спасения сокрушая, в духе Спасителю воспевая еси: Аллилуиа.
Икос 10
Весь быв образ послушания и смирения в житие твоем, яко в час кончины твоей явися тебе святитель Иоанне, благую весть о переходе в небесную обитель сообщая и путь твой в Рай благословляя, под покров Божией Матери тебя предавая еси, на праздник Успения Ее, Царица тебя забирая и нам не страшится смерти проповедуя, ибо все воскреснем вслед за Сыном Богом Ея, видя успение твое, Отче Серафиме, со слезами о тебе глаголем:
Радуйся, смирение и не стяжание рачителю.
Радуйся, о смертном часе всегда помышлявый.
Радуйся, свою смерть смерено принявый.
Радуйся, Пречистою во успении твоем в небесные обители взятый.
Радуйся, Святителем Иоанном в отшествие благословенный.
Радуйся, подвижниче дарами благими исполненный.
Радуйся, стойкости и мужества тезоименитый подвижниче.
Радуйся, меч огненный веры православной.
Радуйся, в болезни смертной непрестанно Богу молитву приносивый.
Радуйся, на смертном одре молитвой и смирением врага сакрушивый.
Радуйся, верных жаром подвигов возжегший.
Радуйся, монашествующих дивное украшение.
Радуйся, преподобне Отче наш Серафиме, Платины и всея Америки преславный Чудотворче.
Кондак 11
Смерть твоя, Отче преподобне, православную Америку потрясая и пробуждая чтущие. Тя оплакиваша, ранний уход твой и сиротство свое ты же на Бога уповать их ведением своим научая и всех в Платину на молебен собирая и единым духом и едиными устами Церковь Небесная и Земная воспевала еси Богу: Аллилуиа.
Икос 11
Тело твое мертвенное, Отче преподобне, возсия благолепною красою и радостью встречи Христа и Рая сладость видения, тайну смерти разгадавый и Рай вперед собрата усилием и трудами восхитивый, у Престола святою славою увенчанный и о всех верных молитвы воспевающий, тебе же яко мощному о нас молитвеннику новому, хвалебная приносим:
Радуйся, плод святости земли американской.
Радуйся, стоящих пред гробом твоим умилению и радости исполнивый.
Радуйся, во гробе себя яко спящим и живым явивый.
Радуйся, духом твоим небесным силам преобщивыйся.
Радуйся, тайну смерти разгадавый.
Радуйся, ревновати о своем спасении нас научающий.
Радуйся, во успение своем всех в Платину на молитву собирающий.
Радуйся, кончиною своею Америку потрясающий и пробуждающий.
Радуйся, трудниче не утомимый покой блаженный обретый.
Радуйся, верных присное веселие.
Радуйся, яко от мира нечего не возжевавый и в Рай вселивыйся.
Радуйся, в книзе жизни златыми буквами начертанный.
Радуйся, преподобне Отче наш Серафиме, Платины и всея Америки преславный Чудотворче.
Кондак 12
Обитель Германову и по успению своему не оставляя еси, собрата Германа и братию духом ободряя и сердце любовию к служению Творцу воспламеняя, всех претекающих к могиле, мощам, и иконе твоей заступление подающий, ибо вся возможно предстательству твоему благодатью тебе дарованной молися о нас, Отче преподобне, чтущих святую память твою, да и мы с тобой купно во веки поем Богу: Аллилуиа.
Икос 12
Поюще твое всеславное и дивное житие, преподобне Отче Серафиме, ублажаем труды и подвиги твоя, чтим много попечительное верных окормление, болящих от рака исцеление, младенцев во чреве матерей сохранение и заступление, скорбей терпение, славим пламенное горение и верность и любовь твою к Богу и истине, плоти своей распинание и умерщвление, ты живущим во времена отступления явился еси светильник последнего времени и стена крепкая и не сокрушимая Церкви, сохраняй нас от лже пастырей и ересей, благослови, Отче преподобне, пети вечно житие твое и воспевати Ти:
Радуйся, Платину духом твоим пропитавый.
Радуйся, землю Платинскую стопами твоими освятивый.
Радуйся, и по кончине обитель Германову не оставляющий.
Радуйся, обитель твою от всякого зла сохраняющий.
Радуйся, молящихся у гроба твоего скорую помощь подающий.
Радуйся, Платины и Германовой пустыни слава и украшение.
Радуйся, яко и по преставлении твоем чудеса творити не переставый.
Радуйся, о всей Америке и Вселенной молитвы Господеви возносивый.
Радуйся, недужных раком исцелявый.
Радуйся, младенцев во чреве матерей спасавый и хранивый.
Радуйся, умирающего в узах темничных воскрешающий.
Радуйся, яко к могилке твоей страждующие притекают.
Радуйся, преподобне Отче наш Серафиме, Платины и всея Америки преславный Чудотворче.
Кондак 13
О преподобный и преславный Отче наш Серафиме, Платины и вселенский чудотворче, милостиво приими сие малое моление наше, с любовью тебе возносимое и богопреятным твоим ходатайством да сохранит нас Господь от обольщения близ грядущего антихриста, страх Божий вселит в сердца наша, плотское мудрование умертвит и от искушений сохранит, в православии утвердит и на подвиг пострадать за Христа благословит, мук адских свободит и селения райски вселит, идеже с тобой вкупе Человеколюбцу Богу еси воспоем ангельскую песнь: Аллилуиа, Аллилуиа, Аллилуиа!
Молитва
О преподобне, и богоносне Отче наш Серафиме, ты угодниче Христов и крепкий молитвенниче призри на нас грешных ко святей иконе твоей припадающих и просящих твоего заступления, и помощи. Ты дом Пресвятой Богородицы, Русь Святую возлюбил еси и веру православную в чистоте и истине в сердце хранил, народ русский от веры православной отпавший светом истины через слово печатное просвещал еси, и ко спасению наставлял, к покаянию за грех цареубийства и вероотступничество призывал, и стал ты ныне покровителем небесным Америки, и всех новообращенных Востока и Запада, ходатай и молитвенник, старший брат и пастырь добрый душу за чад Божиих полагающий, в узах томящихся заключенных свободитель, болящих на одре болезни исцелитель, бездомных и неимущих, где гловы приклонити утешитель, пленников свободитель, младенцов во чреве матери носимых хранитель и защититель, ищущих веру истинную напривитетель и наставник. Восстань в помощь нам, услыши нас грешных молящихся тебе, умоли Христа Бога и Пречистую Богородицу Русь Святую воскресить, Царства Самодержавное восстановить и ниспослать царя нам православного, остаток верных укрепить по лицу всей вселенной рассеянных. Помяни всех веру и любовь к тебе имущих, и имя твое святое призывающих. К тебе, о великий угодниче Божий, прибегаем мы, немощные, грешные и недостойные, от натисков духа мира сего в беснование и маловерие впавшие, испроси у Всемилостивого Бога мир церкви, в отечестве твоем православной веры укрепление и в трудах миссионерских Божие благословение, еретиков и язычников в веру истинную православную обращение, раскольников и обновленцев в лоно Матери-Церкви возвращение. Обитель твою не оставь, в ней же многие лета усердно подвизался, в мирном благоустроении и благолепии сохрани и всех монашествующих и труждающихся добре во благих желаниих утверди и в подвигах иноческих укрепи от всех видимых и не видимых враг и от всех напастей и бед невредимыми сохрани и братию приумножи. Буди помощник благий всем благочестно живущим и всех попечителей и устраителей обители святой избави от всех недугов и глада от потопления и огня от внезапной смерти и смертоносной язвы и от нашествия иноплеменников и междоусобной брани и от всякого зла и навета вражия, отжени волка мысленного и льва рыкающего ищущего кого погубить и в ад свести души наши огради от соблазнов мира сего и от помыслов суетных и душевредных. Утверди сердца наши в любви и смиренномудрии, в кротости и послушании, терпении болезней и скорбей, не памятозлобии и всяком деле благом и спасительном. Святой Отче наш Серафиме, простри молитвенно руки твои к Господу и умоли Спасителя да простит нам безчисленные прегрешение наша и не отвратит милость свою от нас, но да явит помощь и Руку спасительную, да воскреснем духом и во славу Христа Русь Святую от ига богоборцев свободим и не убоимся пострадать и умереть во имя Христа и Троицу Святую, Церковь Соборную Апостольскую, царя православного и не примем печать проклятого антихриста и не поклонимся ему. Ибо ты сам Отче святой учил и пророчески сказал «Уже позже чем Вы думаете». Словеса и учение твое поминая со слезами молим и просим не остави нас, в помощь нам со всеми святыми прейди, да исполним мы волю и промысел Бога нашего во спасение душ наших и унаследуем Царство уготованное не трусливым хоть и малому но верному стаду воинам христовым живот свой положивым за Веру, Царя и Русь Святую воспоем ангельскую песнь и прославим со всеми святыми Отца и Сына и Святого Духа ныне и присно и во веки веков аминь.
Тропарь. Глас 4-й
Пустыни Германовой подвижниче/преподобне Отче наш Серафиме/Учителю благочестия преизрядный/Платины украшение и всея Америки радование/моли Христа Бога спастися душам нашим.
Тропарь. Глас 1-й
Сосуд Избранный быв Отче преподобне/пронесший Имя Господне пред языки,/сего ради и ныне просвещаеши ученьми Твоими,/всех возжадавших познати Веру Истинную,/в последнее время во тьме и сени смертной седящих,/да и нам Спасительную Бодрость Духа подаси,/поминай всех верно чтущих память Твою,/Серафиме Отче наш/.
Тропарь. Глас 3-й
Явился еси свет Востока мысленнаго сыновом страны западныя, изводя их от тьмы неведения словом твоим, и сообразное тому житие являя, в пустыни подобно
древним отцем пожил еси в ней же и телом ныне почиваеши, наследие сый
некрадомое учеником твоим, с ними же и мы велегласно вопием ти, спасай нас
молитвами твоими Серафиме, преподобне отче наш.
Величание
Ублажаем, ублажаем Тя, преподобне Отче наш Серафиме, и чтим святую память Твою, наставниче монахам и собеседниче ангелам
Апостолу святителю Иннокентию Аляскинскому
Кондак 1
Избранный от родов Российских на благовестие Христово в странах языков, святителю отче Иннокентие душу свою полагал еси за овцы своя, утверждая их в вере истинней. Подвиги твоя почитающе, хвалим тя сице: Радуйся, равноапостольный святителю Иннокентие, молитвенниче о душах наших.
Икос 1
Ведый Господь велика тя быти светильника во стране языков, благоволи Господь дом твой оставиши, направил еси стопы в страну далече отстоящую, да явишися ангелом благовестником, проповедая народу чуждому, слышаще твоя словеса боголюбная, паству твою на наречии исконном ея поучающая, хвалим тя сице:
Радуйся, невинностию Агнца непорочнаго подражатель бывый;
Радуйся, воздержанием твоим ангельское во плоти житие явивый.
Радуйся, яко ангел, Сибирския церкве Божия дела возвещавый;
Радуйся, яко архистратиг силы небесныя, всех прибегающих к тебе от бед сохраняяй.
Радуйся, непорочности и невинности соименный учителю;
Радуйся, незлобия и чистоты усердный хранителю.
Радуйся, убеленный невинностию крине райскаго прозябения;
Радуйся, умащенная чистотою маслина небеснаго благословения
Радуйся, умом небесных неизреченных благ наслаждался;
Радуйся, пастырю, с мудрыми в радость Пастыреначальника своего вшедший.
Радуйся, яко свет лица Божия ясно на небеси смотряший;
Радуйся, яко тем же светом осиянный, притекающих к тебе неизреченно возвеселяеши
Радуйся, равноапостольный святителю Иннокентие, молитвенниче о душах наших.
Кондак 2
Видя образ мира сего преходящ и славу человеческую якоже дым исчезающу, от юности Христа возлюбил еси и, отроча сый, молитве и службе Божией зело прилежал еси, отче наш Иннокентие, ангельскую песнь присно воспевая Господеви: Аллилуиа
Икос 2
Разум просвещенный хотя имети, богомудре отче Иннокентие, от юности избрал образования и научение православныя веры. Видя подвиги апостолов Христовых, поревновав им и начал постигати Христианстии истины и тайны божественнаго писания, великий учителю, небеснаго рая ныне проходя нетленные пажити, поминай у престола Божия, и нас да и мы просветимся светом евангельского богопознания взирая на скончание жительства их, подражатель явишися вере их; темже и сам соделался еси небесным человеком. Сего ради слышиши от нас сия:
Радуйся, святитель в Иркутске рожденный!
Радуйся, яко из детва Бога чтивый!
Радуйся, в семинарии небесные премудрости учивый!
Радуйся, измлада истинную простоту и безмолвие возлюбивый!
Радуйся, родителей венчанных плоде благословенный!
Радуйся, отца и матерь всегда почитавый!
Радуйся, сыне родителей благочестивых возлюбленный!
Радуйся, во Иркутске граде разумом научение книжное стяжавый!
Радуйся, мира сего душетленныя радости отринувый!
Радуйся, под сению Вознесенского монастыря Господеви воспитанный!
Радуйся, сыне сердце чистое Отцу Небесному отдавый!
Радуйся, дом родителей твоих Господа ради оставивый! Радуйся, равноапостольный святителю Иннокентие, молитвенниче о душах наших.
Кондак 3
Разум озарен благодатию Христовою имуще, яко апостолом единонравнии, Ангел, яко Товии, спутешествовал тебе, егда в младая лета своя с семьей молодой предпринял длительное путешествие направил еси стопы по Сибири и морем до Аляски, далече отстоящей. Видяще подвиг твой святителю Иннокентие, просветителю Сибири и Аляски ангельскую песнь присно воспевая Господеви: Аллилуиа
Икос 3
Видевшие жителие алеутские и вся страна Сибирская, Камчатская и Аляскинская, великого учителя и дивна в вере наставника; сего ради, яко доброго поборника верным и скорого молитвенника тя чтуще, с веселием и радостию дары тебе приносим таковыя:
Радуйся, к неведящым спасения милости исполненный!
Радуйся, апостольским учением украшенный!
Радуйся, Христа всем сердцем возлюбивший!
Радуйся, землю Сибирскую святивший!
Радуйся, апостолу Павлу подражавший!
Радуйся, Аляске спасение принесший!
Радуйся, Камчатки люди полюбивший!
Радуйся, Сахалина земли не оставивший!
Радуйся, отец народам вновь крещенным ставший!
Радуйся, тяготы миссионерские всей семьей понесший!
Радуйся, служитель Господень верный!
Радуйся, проповедник премудрейший!
Радуйся, равноапостольный святителю Иннокентие, молитвенниче о душах наших.
Кондак 4
Силою проповеди твоея, богомудре отче Иннокентие, благодатию Божиею споспешествуемыя, купно же образом Святаго Духа вспоможение, мнози, омраченнии тьмою неразумия и заблуждений, Божественное истинное слыша Слово, нечестивии беззакония и развращения оставиша и на стези спасения обратишася, в покаянии и умилении сердца поюще Богу: Аллилуиа.
Икос 4
Видевшие и слышаще тя яко воистинну светило богосветлое премудра учителя и истиннаго сказателя таин Божиих, прихождаху к тебе отче не точию старцы, но и юнии, словесами твоими всех приводил ко благочестию и любви Божией в разуме напечатлевал их древния истины Евангельския, сего ради яко пастыря, просветителя Сибири и Аляски и отца нашего ублажающе, зовем тебе:
Радуйся, просвещение Христова благочестия.
Радуйся, церковной светило и Сибирския страны слава!
Радуйся, лампада Божественного сияния!
Радуйся, покровом молитвы осеняющий нас на пути спасения!
Радуйся, в тебе сила Божия явилася!
Радуйся, яко тобою прославляется вера христианская!
Радуйся, яко тобою демоны страшные изгоняются!
Радуйся, имя твое в Америке ублажается!
Радуйся, Камчатка о тебе духовно радуется!
Радуйся, тобою острова Сахалинские веселятся!
Радуйся, в народах многих тебе слезно молятся!
Радуйся, святителю тобой православная вера сеется!
Радуйся, равноапостольный святителю Иннокентие, молитвенниче о душах наших.
Кондак 5
Видя тя воистинну, отче, подвижника крепкаго и молитвенника неусыпнаго, святителю Иннокентие, всем быв образ словом, житием, любовию, тихостию, кротостию и смирением, темже и мы, видяще добродетели твоя, воспеваем Богу. Аллилуия!
Икос 5
Егда пастырски подвизался еси, святителю Иннокетие, о просвещении верою Христовою людий Сибирских,Камчатских, и Аляскинских, благодать Господня излияся во многих делех твоих, приводящи овцы заблудшия к познанию Христову. Евангелие на языки алеутов переводил, храмы созидал, свирепых тлинтигов к покоянию обращал. Мы же, поминая труды и подвиги твоя, зовем ти:
Радуйся, тобою Церковь Истинная в землях языческих устрояется!
Радуйся, свирепые язычники слезна каются!
Радуйся, овцы твои к стаду Христа приобщаются!
Радуйся, правило веры и смирения!
Радуйся, твоими поученьми наставляемся.
Радуйся, тобою бесовские силы прогоняются!
Радуйся, злобы коварство тобою погубляется!
Радуйся, тобою в верных мир утверждается!
Радуйся, показавый истинное благочестие!
Радуйся, пред Христом лампадо молитвы неугасимая!
Радуйся, надеждое заступление и защитниче православия!
Радуйся, равноапостольного жития всеизрядное явление!
Радуйся, равноапостольный святителю Иннокентие, молитвенниче о душах наших.
Кондак 6
Странно и дивно твое житие, по смерти жены твоей, монашеский чин принимая, слыша премногую твою добродетель, видя искусна познателя Священных Писаний, и преданиям прилежна исполнителя, царь Николай желая быти тебе отче епископом Камчатским и Аляскинским мы же дивящеся явленныя в тебе силы Божия, благодарне воспеваем Богу. Аллилуия!
Икос 6
Видев благоплодную доброту души твоея первосвятитель Филорет Московский, возлюби тя зело,святителями Иоанном и Иоасафом во епископы Камчатского и Аляскинского постави тя , яко да послужиши Престолу Господню и будеши наставник ко ковчегу спасительному многим Тем же яко избранника Божия чествуем тя похвалами и зовем тебе:
Радуйся, волю царскую исполняющий!
Радуйся, и по кончине жены своей в уныние не вподающий!
Радуйся, чин апостольский кротко принимающий!
Радуйся, спасти многих желающий!
Радуйся, землю Русскую и Отечесво возлюбивший!
Радуйся, по простором Руси Святой, стопами святых ходивший!
Радуйся, щитом молитвы землю нашу незримо ограждающий!
Радуйся, любовь Божию людям показующий!
Радуйся, вместо тленного нетленное стяжавший!
Радуйся, Аляски апостол первейший!
Радуйся, Иисуса распятого и Воскресшего проповедавший!
Радуйся, Христу ревностно послуживший!
Радуйся, равноапостольный святителю Иннокентие, молитвенниче о душах наших.
Кондак 7
Днесь восхвалим вси великаго святителя Иннокентия и почтим заступника и утверждение земли Русской, края Сибирского, Камчатского и Аляскинского хранителя, и от лжеучения оградителя, апостола Америки и основателя Церкви молодой и новой, и тако возопиим Богу: Аллилуия!
Икос 7
Ходатай пред Господем за всех явился святителю Иннокентие: по земли путешествующий и по морю плавающий, в жестокий шторм попав у берегов Елового острова взмолился преподобному Герману о помощи и спасен был в море бушующем, сего ради и мы в море мира сего погибаем, прибегаем под кров твой, ищуще спасение, вси бо помощника тебе имамы во всех нуждах, во время глада, смертоносныя язвы и во вся годины бед и искушений, охраняеми твоими святыми молитвами, благодарно зовем тебе:
Радуйся, правую веру непреложно утвердивший!
Радуйся, преподобным Германом спасенный!
Радуйся, Петру и Павлу подражавший!
Радуйся, для народов дальних отцом духовным и близким ставший!
Радуйся, в ближних и дальних Христа видевший!
Радуйся, любовь жертвенную пастве являвший!
Радуйся, слезы чад твоих любовью вытиравший!
Радуйся, для многих пример святителя ставший!
Радуйся, Православным светом Аляску озаривший!
Радуйся,Камчатку с Сахалином Христом сроднивший!
Радуйся, Сибирь в купели святой омывший!
Радуйся, в землях новных и дальних Церковь основавший!
Радуйся, равноапостольный святителю Иннокентие, молитвенниче о душах наших.
Кондак 8
Всем сердцем твоим и святою любовию твоею послужил, Святителю Иннокентие, алчущих питая, болящих исцеляя, сирых и убогих согревая, своими руками храмы и монастыри устрояя и учреждая город Благовещенском называя его, вдовиц утешая, милостыни твоя творя в тайне. Но Господу изволившу, явишася мирови благая дела твоя, прославляющие Отца Небеснаго, Емуже всякое дыхание поет хвалу: Аллилуиа!
Икос 8
Хотя быти пастырь истинен Святителю Иннокентие, от Господа якоже на корабли кормчий поставленный и рукою крепкою кормило Его приемый. Проповедник православнаго вероучения святым Апостолам в ревности подражая, храмы Божии и обители созидая, православные пресвитеры мудро поставляя, святителя Николая японского на труд миссионерский благословляя и мудро наставляя, братолюбию и христианскому житию люди добре научая, Тем же достойно славим и не умолчим, вопиюще тебе:
Радуйся, хлебом жизни народ питавший!
Радуйся, Благовещенск благословивший и освятивший!
Радуйся, святителя Николая мудро наставивший!
Радуйся, приемниче апостолов достойнейший!
Радуйся, сирых и вдовиц питавший!
Радуйся, больных и заключенных в узах посещавший!
Радуйся, благую весть в тьме сидящим несший!
Радуйся, темницы греха заключенных свождающий!
Радуйся, в бедах и тесноте Христа славивший!
Радуйся, бремя Христа легко понесший!
Радуйся, светом во тьме для многих ставший!
Радуйся, первых пахарь на ниве Бога бывший!
Радуйся, равноапостольный святителю Иннокентие, молитвенниче о душах наших.
Кондак 9
Слыша и видя многую твою добродетель, веру крепку и несумненну, чистоту непорочну, любовь нелицемерну, иерархи православныя единогласно избра и торжественно посвяти тя в митрополиты Московские. Видяще тя пастыреначальником Богомудрым и строителем дому Божия добрым и непорочным, ты же яко твердый адамант стоял на камени веры святоотеческия и за все Единому главе Церкве Христовы, Пастыреначальнику Христу воспевал: Аллилуиа
Икос 9
Царя Небеснаго Христа верный служителю, святителю отче Иннокентие, посещая епархии Церкви Русской добру встречу и беседу имел со святыми праведниками и угодниками Божиими Иоанном Кронштадтским и Амвросием Оптинским. И ныне пред Престолом святым во славе предстоя молишися с ними о всех прибегающих , от нас сии похвалы прими вопиюще тебе:
Радуйся, верно Царю Небесному служивший!
Радуйся, не волком хищным в святых одеждах бывший!
Радуйся, душу за овцы пажити твоей ложивший!
Радуйся, хранителем стада от волков губящих ставший!
Радуйся, беседу сладкую со святыми на земле имевший!
Радуйся, плод духовный Христу сотворивший!
Радуйся, молитвою твоею души слабых окрылявший!
Радуйся, православия страж неусыпающий!
Радуйся, грехами умерщвленные души молитвой к Богу воскрещающий!
Радуйся, митрополит изрядный всем православным ставший!
Радуйся, с мудрыми в радость Господа вошедший!
Радуйся, мудрый учителю верных просвещающий! Радуйся, равноапостольный святителю Иннокентие, молитвенниче о душах наших.
Кондак 10
Возсия царству православному благотворный свет великих добродетелей твоих, святителю отче Иннокентие, о нихже благодаряще Отца Небеснаго, тако возопиим Богу: Аллилуия!
Икос 10
Видевше в тебе Московские людие перваго архипастыря, яко Ангела, знамение небесныя благодати носяща, возрадовашася радостию неизглаголанною егда ты освящение совершил храма Христа Спасителя воспевал Богу за все аллилуия и добре внимая себе и всему стаду, пасл еси усердно Церковь, Сего ради ублажаем тебе отче Иннокентие, вопиюще тебе:
Радуйся, заступтниче и хранителю наш вернейший!
Радуйся, тяжкий крест первосвятителя от Господа взявший и понесший!
Радуйся, храм Христа Спасителя освятивший!
Радуйся, Христу в людях падших добренко послуживший!
Радуйся, монашеским житием себя преизрядно украсивший!
Радуйся, предание апостольские верно хранивший!
Радуйся, источник сострадания к народу текущий!
Радуйся, постом и молитвой вех врагов побеждающий!
Радуйся, устами твоими небесные истины вещавший!
Радуйся, по морям бущующим ради одной овцы для Христа плывший!
Радуйся, словом истинным красотой веры еритиков пленивший!
Радуйся, миссии православные созидавший!
Радуйся, равноапостольный святителю Иннокентие, молитвенниче о душах наших.
Кондак 11
Проповедник быв веры Христовой и познания истины в Америке и во всяком языце ближняя и дальняя Сибири и Востока дальнего и пришел ко своему пределу, еже есть: земля и в землю отидеши, отдав убо дух Богу, тело же оставив верным на много лета в земле Троице-Сергиевой Лавре, да, приходяще, людие поют надгробную песнь: Аллилуия!
Икос 11
Возсиявшее солнце с земли Иркутскей пришедший, святый Иннокентие в старости преклонней позна запад свой, оставив земная, в велику субботу восприял есть от руки Господни вечная благая, еже мы познахом от чудес и целебные силы, присущия святым мощем его, и, удивляяся, поем ему таковая:
Радуйся, с апостолами на небеси царствующий!
Радуйся, земли Иркутской плод добрейший!
Радуйся, кремля Московкого ангел светлейший!
Радуйся, Лавры Троицкой столп крепчайший!
Радуйся, России сын вернейший!
Радуйся, Аляски отче самый честнейший!
Радуйся, Камчатки страж неусыпающий!
Радуйся, Восток и Сахалин своей любовью покрывающий!
Радуйся, в селениях райских прибывающий!
Радуйся, в Раю живя и нас не оставляющий!
Радуйся, обилие благодати мощей твоих изливающий!
Радуйся, Божественного гнева от нас отводящий!
Радуйся, равноапостольный святителю Иннокентие, молитвенниче о душах наших.
Кондак 12
Покров и прибежище бывый всем к тебе притекающим верным еще в житии твоем, ты, святителю, не оставил нас сирых и по твоем успении; Бог сохрани святые мощи твоя во время гонений на Церковь в укрепление православным в вере и утешение в знамение безсмертия, Егоже прославляюще, вопием: Аллилуиа!
Икос 12
Поюще праведное житие твое, ровноапостольне святителю Иннокентие, славяще труды твоя и восхождения от славы в славу, зрим и исповедуем, яко кончина твоя рождение бысть в жизнь приснотекущую, еяже струями благодатными и нас земных окропляеши, и от болезней недугующим душевных и телесных, изциляеши, свобождаеши, и прискорбным утешение принося, наипаче же молящимся пред ликом твоим святым невидимо внемлеши и видимо помощь подаеши. Тем же, благодарственно воспевающее сугубо тя, в землях тобою просвещенных Сибири, Сахалина, Камчатки и Америке глаголем тебе таковая:
Радуйся, пастырское служение честно исполнивший!
Радуйся, всем претикающим к иконе и мощам твоим помощь подающий!
Радуйся, в Радость Господа со всеми верными вошедший!
Радуйся, столп праовославия Церкви Русской!
Радуйся, прославившего тебе на небе праславляющий!
Радуйся, и по кончине твоей нас не оставляющий!
Радуйся, Троицу святую и Христа восресшего проповедавший!
Радуйся, душу свою за други своя положивший!
Радуйся, орла дикого молитвой исциливший!
Радуйся, все концы вселенной любовью твоею покрывший!
Радуйся, в субботу великую дух твой Богу предавший!
Радуйся, щит веры живой язычество и смерть победивший! Радуйся, равноапостольный святителю Иннокентие, молитвенниче о душах наших.
Кондак 13
О преславный и причудный пастырю апостолам равный, Святителю Иннакентие! Приими малое сие хваление наше тебе приносимое, моли Христа Бога, да избавит землю Российскую и вся земли тобой просвещенные Сибири, Сахалина, Камчатки и Аляски и вся страны христианския от смертоносного неверия язвы, от всякия вражды и нестроения, от враг видимых и невидимых. Церковь же святую да возрастит и укрепит, и вся верныя ко Христу всемирному Пастырю приведет, поющия Ему: Аллилуиа, аллилуиа, аллилуиа
Молитва апостолу святителю Иннокентию Сибирскому,Качатскому, и Аляскинскинскому
О пречестная и священная главо и благодати Святаго Духа исполненная, спасово со отцем обиталище, великий архиерее, теплый наш заступниче, святителю Иннокентие! Предстоя у престола всех Царя и наслаждаяся светом единосущныя Троицы и херувимски со ангелы возглашая песнь трисвятую, великое же и неизследованное дерзновение имея ко всемилостивому Владыце, моли спастися паствы Христовы людем, помози во бранех отечеству нашему Русскому и покори вся противныя нам враги, мирное и безмятежное жительство наше устрой: благостояние святых церквей утверди: архиереи благолепием святительства украси: монашествующия к подвигом добраго течения укрепи: град сей и вся грады наши и страны тобою просвещенные добре сохрани, и веру святую непорочну соблюсти нам умоли: мир весь предстательством твоим умири, от глада и пагубы избави ны, и от нападения иноплеменных сохрани, старыя утеши, юныя настави, безумныя умудри, вдовицы помилуй, сироты заступи, младенцы возрасти, плененныя возврати, немощствующия исцели, и везде тепле призывающия тя и с верою притекающия к тебе и усердно припадающия и молящияся тебе от всяких напастей и бед ходатайством твоим свободи. Моли о нас всещедраго и человеколюбиваго Христа Бога нашего, да и в день страшнаго пришествия его от шуияго стояния избавит нас, и радости святых причастники сотворит со всеми святыми во веки веков. Аминь.
Святому святителю и апостолу Николаю Японскому
Кондак 1
Взбранный Чудотворче и великий угодниче Христов, миру всему источайя многоценное миро пробуждение и чудес неисчерпаемый океан, Японской земли просветителю и веры Православной насадителю, восхваляем Тя с любовию и зовем Ти:
Радуйся, Святителю Отче наш Николае, Японии и Руси Святой великий Чудотворче!
Икос 1
Ангел благовестник явился воистину Ты Отче Николае, проповедник и хранитель веры Православной в земли Японской и яко Апостолы жребий бросали и в земли языческие свои стопы на проповедь Вести Благой направляли. Посла тебя Бог, как апостола к язычникам, Япония невеста спящая проповедь истинную и Бога жениха ждущая, Тебя Отче Николае народ Японский встречая и как Крестителю Иоанну путь приготовляя, мы же дивящееся таковому о тебе Бога промышлению в страсе и умилении вопием:
Радуйся, веру истинную с Востока в Азию принесший!
Радуйся, землю Японскую Православной Верой освятивший!
Радуйся, апостолов последователю добрый!
Радуйся, с детства раннего книги святые изучавший!
Радуйся, к служению Богу и Церкви святых себя приготовляющий!
Радуйся, живую веру в сердце имевший!
Радуйся, друзей, родных и землю Русскую Христа ради оставивший!
Радуйся, в тысяча крат от Бога получивший!
Радуйся, с плачем и потом ростки на пашне божией садивший!
Радуйся, пастырь добрый овец от волков хранивший!
Радуйся, во Христе духовных чад множество родивших!
Радуйся, лампаду Света разума зажегший!
Радуйся, Святителю Отче наш Николае, Японии и Руси Святой великий Чудотворче!
Кондак 2
Господь видя в тебе Отче святой Николае, пламень и любви источник неисчерпаемый, в сердце Христа хранил заповедь <<Идите и научите все народы, крестя их>> в разуме держал, в мечтах как Невесту Японию воображал и хвалу и славу Богу воздавал устами чистыми радостно воспевал : Аллилуия!
Икос 2
Апостолам равен Ты, Отче Николае, не устрашился трудности дороги дальней и опасной, злобы и гнева, на христиан за веру разжигаемой, желая человеков падших спасти и жизнь вместо смерти принести, постриг иноческий и сан-священский, от владыки Нектария принимая, Русь Святую оставляя и крест и посох странника, и наставление получая. Мы же благодарящие Бога и Его всесильному промышлению о Тебе дивящиеся, благоговейно вопием:
Радуйся, равноапостоле, ко просвещению народа японского Богом предизбранный!
Радуйся, стена не рушимая среди бурь и тьмы языческой!
Радуйся, пчела трудолюбивая нектар для Рая собиравший!
Радуйся, идолов языческих сокрушивший!
Радуйся, предания апостольские верно хранивший!
Радуйся, святым апостолам искусно в служении подражающий!
Радуйся, демонского служения искореняющий!
Радуйся, истинное богопочитание насаждающий!
Радуйся, на служение апостольское миром помазанный!
Радуйся, за Христа душу полагающий!
Радуйся, Церкви Японской столп несокрушающий!
Радуйся, врагов Христовых оружием Креста низлогающий!
Радуйся, Святителю Отче наш Николае, Японии и Руси Святой великий Чудотворче!
Кондак 3
Ангелов и человеков Творец в Своей власти положивший времена и сроки судьбы государств и народов спасти желая и народ японский раба своего верного святого Николая в желании укрепляя просветить страну языческую светом истины и правды, Отче Николае икону Божией Матери в путеводительницы и хранительницы себе в помощь, в трудах миссионерских, как знамя победное в руки принимая и в слезах и радости великой Богу воспевая: Аллилуия!
Икос 3
Боготечная звезда, явился Ты Отче Николае, путь восхождения твоего в Небесный Иерусалим, от берегов Невских к берегам Амура, через море японское и океан, Бог Тебя укрепляя, через руку святителя Иннокентия Крестом благословляя и совет мудрый подавая, и мы подвиг Твой и труды понимая благодарно Тебе воспеваем:
Радуйся, мир Христа в Японию принесший!
Радуйся, с детства Веру и благочестие имевший!
Радуйся, Святителем Иннокентием благословенный!
Радуйся, наставления мудрые исполнивший!
Радуйся, чин ангельский и путь монашеский избравший!
Радуйся, пастырь и отец добрый!
Радуйся, непреклонный проповедник Веры Православной!
Радуйся, в сети Христа много рыбы поймавший!
Радуйся, талант дарованный приумноживший!
Радуйся, Богородицей в путях жизни водимый!
Радуйся, в проповеди Евангелия ревность явивший!
Радуйся, все упование на Бога возложивший!
Радуйся, Святителю Отче наш Николае, Японии и Руси Святой великий чудотворче!
Кондак 4
Воинство ангельское и апостолов лик, дивились глядя на Тебе, Отче Николае, нового Апостола Божия, трудами и подвигами просиявшего, на землю японскую ногами своими ступая и крестом остров осеняя, Матерь Божию и всех в помощь призывая, духов злобных и языческих в море отсылая, Богу Истинному воспевая: Аллилуия!
Икос 4
Благодать свыше данную видим на Тебе, Отче Николае, проповедь Слова Истины Святым Духом подкрепленное, жрец языческий, Веру Истинную принимая, как Апостол Павел за Христа до смерти страдать желая, Церковь из живых камней тайно устрояя, всех приходящих к Тебе в воду погружая и миром радости помазая, крест на грудь надевая и в семью Божию принимая. Славим апостольские подвиги Твои, равноапостоле Николае и сердцем умиленным воспеваем:
Радуйся, по слову Твоему люди от воды и Духа возрождаются!
Радуйся, люди грешные и больные в крещении исцеляются и освещаются!
Радуйся, бесы страшные Тобою прогоняются!
Радуйся, заблудшие на путь спасительный направляются!
Радуйся, Церковь Истинная в стране Японской устрояется!
Радуйся, страдание в радость обращается!
Радуйся, верой в Троицу чудеса совершаются!
Радуйся, жрец языческий в слезах кается!
Радуйся, труд апостольский не кончается!
Радуйся, народ мертвый воскрешается!
Радуйся, ангелы Святые на небе удивляются!
Радуйся, над Японией Крест Православный украшается!
Радуйся, Святителю Отче наш Николае, Японии и Руси Святой великий Чудотворче!
Кондак 5
Бурю лютых гонений воздвиг убийца искони дьявол Церковь юную в Японии гнал, христиан в узы тюремные сажал, убивал, стада божие рассеять и сгубить желал, Ты отче Николае все на Бога уповал и не унывал за все скорби и гонения Творца жизни восхвалял и мы Богу покланяемся и дивимся подвигу Твоему, укрепившему Тебя Господу поем: Аллилуия!
Икос 5
Воссиял, как утро светозарное, Отче Николае, в стране Японской, паству тебе вверенную окормлял, как младенцев в Вере молоком питал, от волков и ереси сохранял, не страшится смерти научал, на вечерю тайную собирал, все покайтесь, примиритесь с Богом, в Рай душой стремитесь, от Христа всему учитесь и к Его славе приобщитесь призывал. Поминая научение твое и от нас прими похвалы и величания Тебе:
Радуйся, огонь любви горящей мрак языческий разгоняющий!
Радуйся, пастырь добрый и отец детей любящий!
Радуйся, светило златозарное землю Японскую освещающий!
Радуйся, Учителю целомудрию и смирению научающий!
Радуйся, Солнца Истины Христа в Японию принесший!
Радуйся, стадо христово расхитить врагу не дающий!
Радуйся, Хлебом жизни святых питающий!
Радуйся, Иисусу Сладчайшему верно служивший!
Радуйся, сил адовых Христом победивший!
Радуйся, крепость духа в гонении показавший!
Радуйся, себя в жертву за чад твоих приносивший!
Радуйся, слабых и немощных укрепивший!
Радуйся, Святителю Отче наш Николае, Японии и Руси Святой великий Чудотворче!
Кондак 6
Спасти желая многих боголюбивый Святителю Николае святым подражая язык и религию народа Японии изучая, духовную миссию открывая, храмы созидая, благую весть на японский язык в Духе Святом рождая, едиными устами Церковь соборная и новая Творцу воспевая: Аллилуия!
Икос 6
Царя православного благословение получил, миссию Русскую в земле Японской открыл во Христе Иисусе два народа русский и японский породнил. Мир храните и врагов любите, узким путем на Небо восходите. Восток русский и восток японский тебе пастырь добрый воспевает:
Радуйся, Святой Руси миссию в Японии созидавший!
Радуйся, землю Японии с Крестом поохавший!
Радуйся, народы во Христе соединивший!
Радуйся, врагов любите учивший!
Радуйся, святым царем искупителем благословенный!
Радуйся, скорби других и радости в сердце своем вмещавший!
Радуйся, скорби наши на радость прелогавший!
Радуйся, обиды любовью покрывавший!
Радуйся, водами святых писаний напоивший!
Радуйся, любовью вражду угасивший!
Радуйся, бремена ближних носивший!
Радуйся, японский народ любовью пленивший!
Радуйся, Святителю Отче наш Николае, Японии и Руси Святой великий Чудотворче!
Кондак 7
Царство божие на земле водворяя сан епископский по воле Церкви на себя принимая ты воистину апостол и покров и заступление стране Японской молитвами твоими в православии укрепи и сердца наши ободри всех поющих Богу: Аллилуия!
Икос 7
Весь исполнен был любви христовой к пастве твоей плача и слезы проливая айнов народ малый, как отец о чадах своих в вере истинной укрепляя и от лже учений ограждая, как Христос стада оставляя спасти овцу одну желая молитвами твоими отче Николая избавляй всех к тебе притекающих и поющих тебе:
Радуйся, украшение целомудрие!
Радуйся, слабых и гонимых защитителю!
Радуйся, ревность апостолов стяжателю!
Радуйся, строптивых и злых смирителю!
Радуйся, айнов добрых искусный учителю!
Радуйся, мира Христа благовестителю!
Радуйся, Тайн Божиих дивный совершителю!
Радуйся, Слово Божиия усердный изьяснителю!
Радуйся, обидимых и скорбящих защитниче и утешителю!
Радуйся, Божиих велений вернейший исполнителю!
Радуйся, Христовых заповедей неуклонный хранителю!
Радуйся, апостольских преданней усердный хранителю!
Радуйся, Святителю Отче наш Николае, Японии и Руси Святой великий Чудотворче!
Кондак 8
Всякое учение еретическое отвергая богомудрый пастырь и учитель Николае соборы христианскии в Японской земле собирая Символ Веры православной и учение отцов святых младенцев в вере питая Сладчайшему Иисусу воспевая: Аллилуия!
Икос 8
Новый апостол возсиял в Японской земли указывая путь к вечному спасению многих, верный кормчий бури и шторм моря языческого побеждая к тихому пристанищу берега христиан якорь бросая уповать на единого Бога призывая и мы учение твое вспоминая и похвалу тебе приносим и поем:
Радуйся, святителей и апостолов пречестная слава!
Радуйся, от сетей бесовских спасающий!
Радуйся, неповинно угнетенных защищающий!
Радуйся, отче младенцев молоком веры питающий!
Радуйся, душу истинной пробуждающий!
Радуйся, сердца человеков к тебе притекающих услаждающий!
Радуйся, на Господа все возлагающий!
Радуйся, бедствующим чудно помогающий!
Радуйся, суеверия и пороки искореняющий!
Радуйся, козни дьявола славно посрамляющий!
Радуйся, путеводителю по водам бурным плавающих!
Радуйся, от демонских ухищрений свобождающий!
Радуйся, Святителю Отче наш Николае, Японии и Руси Святой великий Чудотворче!
Кондак 9
Видя Господь ревность твою о Церкви и вере апостольской содел тебе сахой своей в Руках Творца отче Николае. Пашню тобой похая любовью и верой землю удобряя награду тебе на небе приуготовляя Святой Троице всю славу воздавая, воспеваем мы Богу: Аллилуия!
Икос 9
Имея воистину попечение о спасении души живой, в жизни земной скоротечной о горнем помышляя святителю отче Николае храм величественный в столице земли Японской Христу Воскресшему воздвигая и мы в радости под звон пасхальный тебе отче святый воспеваем:
Радуйся, православие добрый хранителю!
Радуйся, храм чудный пасхальный Христу создавший!
Радуйся, Церковь японскую пришествием твоим возвеселивший!
Радуйся, совесть уязвленную премудро исцеляющий!
Радуйся, храмы Божии созидающий!
Радуйся, нравы кротки и благи насаждающий!
Радуйся, нечестие душетленное искореняющий!
Радуйся, заповеди Иисусовы верно исполняющий!
Радуйся, скорби многие благодушно претерпевающий!
Радуйся, светильниче во тьме сияющий!
Радуйся, духом прозорливости обладающий!
Радуйся, пчела Христовая медом Японию усладивший!
Радуйся, святительский сонм укращающий!
Радуйся, Святителю Отче наш Николае, Японии и Руси Святой великий Чудотворче!
Кондак 10
Царя Небесного Христа верный служитель новых христианских храмов трудолюбивый строитель желая украсить страну языческую храмами православными, да сокрушатся идолы и созиждутся дома молитвы Богу Живому, где сонмы ангелов и святых праведников покланяются в Духе Богу истине и воспевают Богу хвалы: Аллилуия!
Икос 10
Странник в мире сем был ты отче Николае Богу храмы рукотворные созидая церковь живую из камней живых на литургию собирая Тела, Крови Христа в оставление грехов причащая, просветленные и обновленные в сладости поем тебе:
Радуйся, паству свою ограждал от дьявольских умышлений!
Радуйся, Божьего разума исполненный!
Радуйся, святителю преизрядный и апостоле смеренный!
Радуйся, достоблаженне отче Николае молитвою Японию освятивый!
Радуйся, страну мрачную просветивый!
Радуйся, змеевы главы Крестом победивый!
Радуйся, апостоле новый и предивный!
Радуйся, идола служителей посрамивый!
Радуйся, мира сего мудрейший!
Радуйся, ревность апостолов стяжавый!
Радуйся, истинный строителю и храмов Богу возделывателю!
Радуйся, святых храмов устраителю искусный!
Радуйся, Святителю Отче наш Николае, Японии и Руси Святой великий Чудотворче!
Кондак 11
Верный сын Отечество Русского и царя помазанника Божия, явился ты отче Николае. В войне Русско-Японской паству овец божиих не оставляя пленных русских спасая и помогая иконы и кресты давая таинства церкви Христовой страждущим подовая и утешая православные России и Японии о мире во всем мире подателя благ прося и за все Ему воспевая: Аллилуия!
Икос 11
Царство наше не от мира сего и Отечество наше Небесное хулу и злобу от людей не разумных претерпевая владыка святый Николай, на Единого Бога уповая труд Богом данный не оставляя кротко плача и молясь:<<Спаси землю Русскую, императора Николая>> чад своих на защиту отечество своего японского благословляя. Славим Бога действоемого в тебе добрый пастырь и благоговейно поем тебе:
Радуйся, в печалех сущим увеселение!
Радуйся, пленным и узникам утешение!
Радуйся, о православных царях моление!
Радуйся, слуга царский верный архиерее!
Радуйся, присяге и монархии всю жизнь служение!
Радуйся, красоту власти царской разумение!
Радуйся, Русский щит от напастей и ограждение!
Радуйся, евангельских добродетелей вместилище!
Радуйся, печальми обуреваемым тихое и отеческое пристанище!
Радуйся, благодати Божия чистое приятелище!
Радуйся, ангелов и святых собеседниче!
Радуйся, Божия Матере славный Любимиче!
Радуйся, столпе крепости Русской от лица вражия!
Радуйся, Святителю Отче наш Николае, Японии и Руси Святой великий Чудотворче!
Кондак 12
Блаженную кончину твою апостол святой Николае колокол плача возвещая и чад духовных у гроба отца и пастыря собирая день и ночь бодрствуя в молитве Церковь новая Японская с любовью и нежностью владыку своего на Небо провожая. Мы же со страхом и трепетом Богу дивному прославившемуся во святых Своих вопием: Аллилуия!
Икос 12
Поюще твое всеславное и дивное житие святителю Николае молитвенник и ходатай о спасении душ наших ныне у Престола Троицы Святой поминай непрестанно нас помнящих тебя учителя и владыку истинного отцом народа земли Японской тебя называем и со Святой Русью в руках сакуры ветви держа тебе поем:
Радуйся, с пророками и апостолами небесное сияние!
Радуйся, Японской православной Церкви украшение!
Радуйся, земли Русской и Японской ограждение!
Радуйся, расслабленным и больным благодатное исцеление!
Радуйся, верным в вере твердое укрепление!
Радуйся, народу японскому ходатайствуешь спасение!
Радуйся, приял трудов твоих доброе воздаяние!
Радуйся, с царями русскими на Небе моление!
Радуйся, со святыми Николаями ангельское Творцу пение!
Радуйся, в трудах миссионерских православным подкрепление!
Радуйся, душам спасение и телес наших здравие!
Радуйся, к святым мощам твоим притекающим воскресение!
Радуйся, Святителю Отче наш Николае, Японии и Руси Святой великий Чудотворче!
Кондак 13
О преславный и всехвальный апостол земли Японской святителю отче наш Николае прими малое моление тебе приносимое умоли Христа Бога, да избавит землю Русскую и Японскую и вся страны христиански от мерзости в очах Божиих, всякой вражды и нестроений, в трудах миссионерских испроси благословение, Церкви и народу православному царя помазанника Бога дарование от дьявола и печати его сохранение и кончины христианской непостыдной доброй.Да сподобимся купно с тобою и всеми святыми во веки пети Богу: Аллилуия,Аллилуия,Аллилуия!
Молитвы святителю Николаю апостолу Японии и чудотворцу.
О всеблаженный святителю Николае, великий угодниче Христов и преславный чудотворче! Предстояй на Небеси Престолу Божию с лики Ангел, призри милостивым оком на предстоящия зде люди и просящии сильныя твоей помощи. Умоли благоутробие Человеколюбца Бога, да не осудит нас по беззакониим нашим, но да сотворит и с нами по милости Своей! Испроси нам у Христа и Бога нашего мирное и безмятежное житие, здравие душевное и телесное, земли благоплодие и во всем всякое изобилие и благоденствие, и да не во зло обратим благая, даруемая нам от щедраго Бога, но во славу Его и прославление твоего заступления! Избави всех верою несумненною к Богу приходящих от всяких бед душевных и телесных, от всех томлений и диавольских наветов! Буди печальным утешитель, недугующим врачь, в напастех помощник, нагим покровитель, вдовицам заступник, сирым защитник, младенцем питатель, старым укрепитель, странствующим путевождь, плавающим кормчий и исходатайствуй всем крепкие помощи твоея требующим вся, яже ко спасению, полезная! Яко да, твоими молитвами наставляеми и соблюдаеми, достигнем в вечный покой и купно с тобой прославим Бога, в Троице Святей славимаго, Отца и Сына и Святаго Духа, ныне и присно и во веки веков. Аминь.
Святителю Иоанну Шанхайскому чудотворцу
Творение грешнаго Максима
Кондак 1
Избраннаго во архиереях Божиих / и сосуда Духа Святаго, / величаем тя, блаженне отче Иоанне, / ты же, яко имуще велие дерзновение пред Владыкой всех, / от всяких бед нас свободи, да зовем ти: /
Радуйся, Иоанне архиепископе, великий чудотворче.
Икос 1
Ангели Божии удивляшеся, како ты, блаженне, подвиги свои великия на земли проходил еси, постник быв, бденник и милостивец. Мы же, зрящи на таковое твое житие, вопием ти:
Радуйся, в иночестве имя святаго сродника твоего приявый;
Радуйся, в подвигах святым подражавый;
Радуйся, яко ревностию к Православию еще в юности объят был еси;
Радуйся, яко таковую ревность во всей жизни твоей показал еси;
Радуйся, на служение Церкви в юности вступивый;
Радуйся, верность Ей до конца жизни сохранивый;
Радуйся, Иоанне архиепископе, великий чудотворче.
Кондак 2
Видев жизнь твою Богоугодную, святитель Христов Антоний в чин иноческий и в сан священный возвел тя, богоносне отче Иоанне, ты же, Господу служа благочестно, нас научал пети: Аллилуиа.
Икос 2
Разумев тя, Богоносне отче, сосуд Духа Святаго, в сан архиерейства Антоний блаженный возведе тя, ведая, яко ты подражатель Отцам древлим явишься еси. Мы же, дивящеся сему, зовем ти:
Радуйся, пастырей Церкви достойне воспитавый;
Радуйся, образ подвижничества им явивый;
Радуйся, по смирению сана епископскаго не хотевый;
Радуйся, смирение истинное в сердце имевый;
Радуйся, в сан архиерейства возведенный;
Радуйся, за послушание его приемый;
Радуйся, Иоанне архиепископе, великий чудотворче.
Кондак 3
Силою свыше укрепляемь, богоносе, истинный Ангел Церкви своея был еси, и не токмо православная паства твоя, но иновернии, зная тя, яко велика святителя и чудотворца, возопиша Богу: Аллилуиа.
Икос 3
Веру твердую имуще в сердце твоем, святе Иоанне, дерзновение велие стяжал еси у Владыки всех, Пастыреначальника Христа, по слову бо твоему и молитве дуси нечистии людей оставлясте. Ведая же сие, вопием ти:
Радуйся, на кафедру Шанхайскую в день Введения во храм Пресвятыя Богородицы возшедый;
Радуйся, попечение о пастве своей смятенней приемый;
Радуйся, град Шанхай от разрушения сохранивый;
Радуйся, вселенским иерархом от инославнаго исповеданный;
Радуйся, духа зла от отрока отгнавый;
Радуйся, тем ему здравие духа и тела подавый;
Радуйся, Иоанне архиепископе, великий чудотворче.
Кондак 4
Уведев бурю и гонение, на православных в Китае готовящимся воздвиженным быти, яко Моисей вторый, извел еси чад своих в страны христианския, да спасено будет стадо Христово. Спасеннии же тобою Богу возопиша: Аллилуиа.
Икос 4
Страха Божия исполнен быв, святе отче, и того ради слыша молитвы твоя Господь, иже праведныя любяй и грешныя милуяй. Ты же, болезнуя духом о пастве своей, нощию со крестом коленопреклоненно о ней молился еси. Зная же о сем, похвальныя пения воспеваем ти:
Радуйся, молитвенниче, молитвою своею ветрам запрещавый;
Радуйся, иерарше Бога Вышняго, душу свою за паству полагавый;
Радуйся, оберегавый люди своя обхождением нощным;
Радуйся, святый человече, Крестом Господним и молитвою соделавый диавола немощным;
Радуйся, остров, иде же бысть шесть тысящ овец стада Доброго Пастыря, два лета от бурь хранивый;
Радуйся, тем люди своя сохранивый;
Радуйся, Иоанне архиепископе, великий чудотворче.
Кондак 5
Боготечною звездой явился еси, святе, всем чтущим тя: точиши бо чудесы, исцеляя души и телеса прибегающих к заступничеству твоему, и о сем радуяся, Богу вопием: Аллилуиа.
Икос 5
Видев, владыко святый, яко мнози святии Божии, на Западе просиявшия, без достодолжнаго почитания пребывают, быв архиереем Запада, таковым славу воздавал еси, и мы, видяще таковую твою о угодниках Божиих ревность, зовем ти:
Радуйся, Апостолом Запада нареченный;
Радуйся, чудотворцем великим явленный;
Радуйся, со всеми прославленными тобою Бога молящий о всех нас;
Радуйся, на высоты молитвы восходивше, над землей молящимся видимый быв;
Радуйся, о убиенном крале Сербстем панихиду служивший;
Радуйся, православным Франции и Голландии епископов давший;
Радуйся, Иоанне архиепископе, великий чудотворче.
Кондак 6
Апостолом Запада нареченный, ты не токмо словом, но и самою жизнию своею Православие Святое проповедал еси, и сие видевше, иерей Церкви Римския яко святаго исповеда тя, да вси, во Христа верующии, Богу вопиют: Аллилуиа.
Икос 6
Видеша архиереи православнии, яко ты еси, блаженне, велий светильник, пред Богом горящий, не под спуд, но на свещник — кафедру во град святаго Франциска постави тя. Мы же, зряще пастырское служение твое, зовем ти:
Радуйся, архиерею, воистину по любви Божией сие служение принявший и чести мирския отнюдь не искавший;
Радуйся, награду нетленную за то на небесех стяжавший;
Радуйся, ревнителю о храмех Божиих;
Радуйся, за то во храме почивати мощами своими удостоившийся;
Радуйся, праведниче Божий, аки свеща великая пастве светивший;
Радуйся, светильниче, елеем благодати Божией наполненный и от огня любве Божией возженный;
Радуйся, Иоанне архиепископе, великий чудотворче.
Кондак 7
Хотя вселити в сердца пасомых тобой благочестие нелицемерное, ты, блаженне отче, яко Тихон Задонский, обличил еси паству твою, иже бесовское игрище устроиша и пренебрегоша храмом Божиим и в ничто вмениша память праведника Кронштадтскаго. Ведяще же тя, яко ревнителя Православия и посекателя ересей, Богу зовем: Аллилуиа.
Икос 7
Незлобие свое и кротость христианскую показал еси, блаженне отче, егда в суд мирский принуди неции людие явитися тя, понося тя и вменяя ти в вину яже не сотворих ты. Ты же не осудил никого из гнавших тя, чадам же духовным глаголал еси: первопричина суда и гонений — диавол. Ублажая же смирение твое, зовем ти:
Радуйся, яко фарисеем новым живой укор был еси;
Радуйся, яко подвиги твоими истинное благочестие стяжал еси;
Радуйся, поношения и гонения от наущаемых диаволом приявый;
Радуйся, смиренно сие гонение претерпевый;
Радуйся, яко иерарси Савва, Леонтий и Нектарий, иереи Спиридон, Митрофан, Николай и Леонид, Ариадна игумения и Евгений чтец до конца с тобою пребыли есте;
Радуйся, сотрудниками и сподвижниками твоими в беде и обстоянии не оставленный;
Радуйся, Иоанне архиепископе, великий чудотворче.
Кондак 8
Странник и пришелец был еси на земли в жизни сей временной, богоносне отче, по глаголу Апостола, и тленных сокровищ не взыскуя, обрел еси богатство нетленное, и сего ради дерзновение стяжал еси у Христа Царя, Его же престолу ныне предстоя, с Херувимы поеши: Аллилуиа.
Икос 8
Всем вся был еси, по речению Павлову, отче наш Иоанне святителю: болящим — целитель, немощным — помощник, заблудшим — наставитель и вразумитель, унылым — утешитель. И ныне, радуясь о чудесех, яже творятся по всей земле молитвами твоими, взываем ти:
Радуйся, избранниче Божий, путем узким во всю жизнь свою шедший;
Радуйся, путем тем в Горний Иерусалим возшедший;
Радуйся, яко чудотворения дар Бог дарова ти;
Радуйся, яко дар сей во спасение душ и телес прибегавших к тебе употребил еси;
Радуйся, еретичствующих и суемудрствующих обличителю;
Радуйся, уклоняющихся с пути истины вразумителю;
Радуйся, Иоанне архиепископе, великий чудотворче.
Кондак 9
Всякое естество Ангельское удивишася, зря тя, отче святый: ты бо, еще на земли живый, духом в мире горнем пребывал еси, имея очи твои горе, и зрел еси неплотскима очима Сущаго во вся веки, Емуже выну взывал еси: Аллилуиа.
Икос 9
Ветии многовещанныя како возмогут достойно описать прешествие твое, святче Божий, из жизни временныя в вечную, идеже воистину живый есть, якоже и глагола дщери духовней твоей в видении соннем: рцы людем: аще и умер, живый аз есть. И о сем радующеся, вопием ти:
Радуйся, кончину свою предуведевый;
Радуйся, достойне к ней приготовивыйся;
Радуйся, на молитве, якоже и Ангел твой, святитель Тобольский, в вечность прешедый;
Радуйся, Заступницу Усердную во иконе Ея Курстей Свидетельницей кончины своея имевый;
Радуйся, христианския кончины живота своего, безболезнены, непостыдны, мирны сподобивыйся;
Радуйся, праведности ради твоея нетления от Бога удостоивыйся;
Радуйся, Иоанне архиепископе, великий чудотворче.
Кондак 10
Спасти желая христианина некоего инославнаго и к Православию привести его, явился еси ему нощию и повеле крестное знамение творити, яко же учит Церковь Православная. Сей же восстав от сна, крест творя, вопрошаем быв от язычника о крестном знамении его, отвещая тому, молюся, рек. Ликовствуя же о сем, с тобой купно, предстательствующем о нас ко Архиерею Великому, поем Ему: Аллилуиа.
Икос 10
Якоже при жизни, тако и по смерти твоей, святителю Божий, стена еси ты верным и защищение надежное, велие бо дерзновение ко Христу имущему, дадеся тебе власть над стихиями воздушными мира сего. Зряща же тя, таковаго о нас ходатая, зовем ти:
Радуйся, на Филипинстех островех молитвою некогда ветрам запретивый;
Радуйся, тем паству Христову от уничтожения сохранивый;
Радуйся, иерарше праведне, ветер остановивый и тем семью некую от огненнаго запаления сохранивый;
Радуйся, яко умоляемый о заступлении во всяких обстояниях, предстателем надежным и скоропослушником явился еси;
Радуйся, моления людския в засухе велицей услышавый;
Радуйся, яко Илия древле, дождь молитвою своею на землю изведый;
Радуйся, Иоанне архиепископе, великий чудотворче.
Кондак 11
Пение благодарственное приносим ныне Богу о прославлении твоем, угодниче Божий Иоанне! Ты бо, еще на земли живый, яко святый Божий почитаем был еси, по преставлении же твоем чудотворения, по всей земле творящиеся, святость твою непреложно утверди. И ныне, вместе с тобою, в день памяти успения твоего к лику святых причтенным, взываем радостно Богу: Аллилуиа.
Икос 11
Светильник велий, огнем Святаго Духа горящий, показался еси нам, отче святый Иоанне, ты бо не токмо светом благовестия Христова миру сиял еси, но и, светом нетварным осияваемый, благодать Светодавца миру источил еси. Ныне же, яко Фаворского света приснозрителю, вопием ти:
Радуйся, еще при жизни зрения света нетварнаго сподобивыйся;
Радуйся, огнем, якоже древле Сергий святый, в соборе Шанхайстем причастивыйся;
Радуйся, в свете нетварнем по успении твоем диакону своему явившийся;
Радуйся, Христу причащавшийся и Тому Преобразившемуся уподобивыйся;
Радуйся, Иверстей иконе моление в свете нетварнем совершивший;
Радуйся, над Шанхайским собором вознесенный, "Христос воскресе!" возгласивший;
Радуйся, Иоанне архиепископе, великий чудотворче.
Кондак 12
Благодати источник явился еси нам, святителю Божий Иоанне, молишися бо за ны усердно, и по вере прибегающих к заступлению твоему подаются дары Божии обильно. И кто исчислит вся чудеса твоя? Кто измерит величие святости твоея? Но внимая ныне повествованием о чудесех твоих, ихже благоволи открыти Бог, радостне поем Ему: Аллилуиа.
Икос 12
Пение хвалебное приносим ти, чудотворче и угодниче Божий Иоанне, ликовствуя о токах чудес, ихже точиши всем, с верою взыскующим предстательства и ходатайства твоего ко Творцу всяческих, Емуже ты выну взывал еси: отцев наших Господь и Бог, благословен еси. Ныне же, предстояще образу твоему честному [или честным мощем твоим], яко велицему избраннику Божию, вопием ти:
Радуйся, еще в отрочестве инославную в Православие обративый;
Радуйся, после в трудех миссионерских во все время служения твоего Церкви пребывый;
Радуйся, в юности чудо святаго Мелетия Харьковскаго записавый;
Радуйся, сам токи чудес обильны и при жизни, и по смерти источивый;
Радуйся, святым всем честь великую при жизни своей воздававший;
Радуйся, сам к лику оных по успении своем причтенный;
Радуйся, Иоанне архиепископе, великий чудотворче.
Кондак 13
О великий чудотворче и предивный угодниче Христов, святителю отче Иоанне! Приими сие малое тебе хваление наше и моли прославившего тя чудесами и нетлением Господа сил, да помилует неключимых рабов Своих и да дарует нам милость, мир, здравие, спасение, прощение и благое поспешение, да вси мы, славя Бога, дивнаго во святых Своих, воспоем Ему: Аллилуиа.
Сей Кондак глаголи трижды, и паки Икос 1: Ангели Божии удивляшеся: и Кондак 1: Избраннаго во архиереех Божиих:
МОЛИТВА БЛАЖЕННОМУ СВЯТИТЕЛЮ ИОАННУ (МАКСИМОВИЧУ)
О святе блаженне Иоанне, великий архиерее, теплый наш заступниче, избранниче Христов и великий чудотворче! Призри убо от славы твоея горния и приими молитвы нас, грешных и недостойных рабов твоих, зде пред образом твоим честным [или святыми мощами твоими] припадающих и тепле умоляющих тя, и принеси я ко Престолу вся содержащаго в руце Своей Бога, Емуже ты добре послужил еси во дни земныя жизни твоея.
О святителю пречудне Иоанне! Мал бе телесне ты и гугнив, яко же и святый пророк Моисей, но и даров Божиих обилие ты подобно сему прияти сподобился еси. Темже ныне усердно молим тя: молитвою многомощною своею испроси у Господа нам елика благопотребна есть в житии сем временнем и ко спасению вечному нуждная, грехов наших превеликия пучины потребление, здравие телесное, аще полезно сие суть душам нашим, дух мирен в общении с ближними нашими и послушание Церкви Православней Святей.
Прежде убо, о святителю, ты чад своих духовных извел еси в страны христианския от гонения хинов безбожных, да не истреблено будет стадо Христово. Ныне же смиренно молим тя: Отечеству нашему и народу страждущему избавление испроси от власти безбожныя и клеврет ея, Церкви Российстей мир и благостояние посреде бурь и треволнений мiра сего, и да возставит Господь Престол Православных Царей, иже да будут мужи по сердцу Господню в духе и силе святаго страстотерпца Николая, егоже ты почитати всех людий православных призывал еси.
Умоли Великаго и Всещедраго Господа сил, да истребятся разделения и нестроения в Церкви Божией и народе православнем, яко да возстанем от тины греховныя и противостанем духу безбожия и льсти.
Испроси нам, о святый наш заступниче и молитвенниче, многоценный от Господа молитвы дар, егоже ты преизобильно стяжал еси, яко да возможем купно с тобою воспевати Пречестное и Великолепое Имя Всесвятыя Троицы, Отца и Сына и Святаго Духа, ныне и присно и во веки веков. Аминь.
Святителю отче Иоанне, моли Бога о нас!
Преподобному Герману Аляскинскому
Кондак 1
Изрядный чудотворче и преславный угодниче Христов, Богоносне Отче наш Германе, Аляски украшение и всея Америки радование, воспеваем ти вси похвалы сия. Ты же яко небесный покровитель страны нашея и всемощный пред Богом молитвенник, не престай молиться о нас, чадех твоих, усердно тебе вопиющих:
Радуйся, Преподобне Отче наш Германе, Аляски и всея Америки преславный чудотворче.
Икос 1
Ангелов Творец предызбра тя, Отче Германе, быти проповедником Православныя Веры в Новой Земле и основоположником иноческаго подвижничества в Дальней Западной стране и посла тя, яко Апостола Павла к язычникам, да возсияет свет Православия во всех концех земли. Благодарные же людие воспевают тебе, яко небесному покровителю, похвалы сия:
Радуйся, Отче наш Германе, Апостолов последователю;
Радуйся, светом истинной Веры землю Американскую осветивший.
Радуйся, исконное пустыннолюбие стяжавший;
Радуйся, Божией Матерью от смерти спасенный.
Радуйся, Пустыней Саровской с детства взращенный;
Радуйся, Валаама отрасль пречестная.
Радуйся, Фаворским светом озаренный;
Радуйся, тьму дикаго Запада Христом просветивший.
Радуйся, Преподобне Отче наш Германе, Аляски и всея Америки преславный чудотворче.
Кондак 2
Видя, яко пламенной любовью ко Господу воспылал еси, Ему Единому служити восхотел еси, яко дар великий принося Богу, юность твою, во обитель Саровскую, последи же Валаамскую путь свой управил еси, идеже в сонме иноков воспевал неустанно «Иисусе сладчайший, спаси нас грешных»: Аллилуия.
Икос 2
Разум духовный тебе от юности даровася, Святче Божий, да уразумееши красоту небесную и сладость ея. Сего ради от премудраго Игумена Назария, наставника Преподобнаго Серафима Саровскаго, поучался еси Премудрости Божией и путем Господним, тем же святая Церковь восхваляет тя сицевая:
Радуйся, в дебрех Саровских Старцу-пустыннику послуживший;
Радуйся, яко пчела, от великаго Феодора духовный нектар в Санаксаре собравший.
Радуйся, с другом Варлаамом братию Валаамскую утешавший, и нас утеши;
Радуйся, дальних пустынников посещавший, и нас посети.
Радуйся, и сам на поле «Германовом» пустынником ставший;
Радуйся, тезоименитому твоему Герману, первоначальнику Валаамскому, святостью уподобился еси.
Радуйся, за кротость и тихость братией Валаамской почитаемый;
Радуйся, ныне всей Церковью Вселенской прославляемый.
Радуйся, Преподобне Отче наш Германе, Аляски и всея Америки преславный чудотворче.
Кондак 3
Сила Вышняго повеле Богомудрому Первосвятителю Церкви Российския Гавриилу послати проповедников Православныя Веры в землю Американскую и тебе, Преподобне Германе, сей апостольский жребий прияти. Тем же вси людие, просвещеннии светом Христовым, твоими трудами и личным примером жития твоего, воспеша Господеви: Аллилуия.
Икос 3
Имея тщание не токмо о подвизе иноческом, но и рвение апостольское в проповедании Христа распята — людям, сидящим во тьме языческаго неведения, ты, Преподобне Германе, с великой силой явил еси. Поминающе болезни и труды твоя, мы с любовию восхваляем тя сице:
Радуйся, безропотное послушание игумену явивый;
Радуйся, в дальний путь на проповедь Добротолюбия до конца вселенной изшедший.
Радуйся, любовь твою к Отечеству не угасивый;
Радуйся, новую отчизну твою пламенно полюбивый.
Радуйся, созерцательнаго подвига в Америке родоначальниче;
Радуйся, отражение преподобных Ладоги Святорусской.
Радуйся, «Северную Фиваиду Российскую» в Америку перебросивший;
Радуйся, зачатки святости, яко клад драгоценный, в Новый Мир вложивший.
Радуйся, Преподобне Отче наш Германе, Аляски и всея Америки преславный чудотворче.
Кондак 4
Ни буря грозных волн океана, ни быстрины великих рек, ни леса темные не могли угасить чувств твоих, Отче Германе, от благодеяний тебе Игумена Назария, в благодарности взывающа: «Аз в уме воображаю любимый мною Валаам, на него всегда взираю чрез великий океан, и пою Богу: Аллилуия».
Икос 4
Слышим мы радость твою Апостольскую, о преподобне Отче наш Германе: «Восхитился аз духом: Пребывая между ведром и ненастием, меж радостей и скуки, между довольством и недостатком, сытостью и гладом, теплом и хладом, при всех моих печалях обретаю нечто, веселящее меня, егда слышу ревность братскую о проповеди Слова Божия, и прихожу от радости в восторг», — мы же тебе вопием таковая:
Радуйся, Богопропроведниче, вдохнови нас твоею ревностыо;
Радуйся, Боголюбче, вдохни радость в сердца наша.
Радуйся, молитвенниче за всех унывающих;
Радуйся, душ смятенных умирителю пресладостный.
Радуйся, яко смирением твоим подаеши исцеление;
Радуйся, всем отошедшим от Православия грозный учителю.
Радуйся, любовиею твоею направляяй на путь правый;
Радуйся, кротостыо твоею окрыляеши души наша созерцать горнее.
Радуйся, Преподобне Отче наш Германе, Аляски и всея Америки преславный чудотворче.
Кондак 5
Боготочною молитвою облагоухал еси дебри острова Еловаго и яко звезда монашеская возсиял еси, Преподобне, назвал его Новым Валаамом, яко старый Валаам Новым АФоном назывался, да озариши светом любве твоея всю землю Американскую и да со всех концов ея иноки и все людие воспоют тепле Богу: Аллилуия.
Икос 5
Видяще смирение твое, Отче наш Германе, вси изумляшеся зело, како ты от великаго служения священническаго отреклся еси, Антонию Печерскому, первоначальнику монашества на Руси, подражая, яко же и той подражал Великому Антонию, первому в мире иноку. Тако и ты, первоначальниче на Дальнем Западе, по великому смирению твоему, восхотел еси по чину Афонскому простым иноком быти, глаголя: «Христианин бо есть воин, грядущий сквозь невидимые полки вражия к небесному Отечеству», сего ради взываем ти таковая:
Радуйся, смирением небеснаго Отечества достигший;
Радуйся, в сонме преподобных первым Игуменом в Америке ставший.
Радуйся, яко вождь велий на невидимой брани для всей рати иноческой был еси;
Радуйся, Новый Валаам на месте подвигов твоих завещал еси.
Радуйся, мощи твои предреченной обители даровавый;
Радуйся, тайны монашества усердный хранителю.
Радуйся, братии, тобою собираемой, теплый защитниче;
Радуйся, облачающий нас в новое желание и любовь будушаго века.
Радуйся, Преподобне Отче наш Германе, Аляски и всея Америки преславный чудотворче.
Кондак 6
Проповедует пустыня северная подвиги и чудеса твоя и тя, яко новую ветвь виноградника Церкви Российския, на земле Американской прозябшую, дебри бо Аляски и леса ея молитвою твоею облагоухал еси, подвижникам древним подражая, в безмолвии ночном взывал еси к Богу: Аллилуия.
Икос 6
Возсиял свет Евангелия от поучения твоего: «Христианин должен приводит себя в надежду и радость и отнюдь не внимать наносному отчаянию. Тут нужен щит веры». Принимая оный от тебя, с радованием взываем таковая:
Радуйся, щит веры живой и разумной всем подающий;
Радуйся, тьму язычества в нас посекающий.
Радуйся, суету и уныние богомыслием разгонял еси;
Радуйся, яко отец родной всех немощных по сей день охраняеши.
Радуйся, яко вождь духовный ны в горняя призываеши;
Радуйся, «убогим» себя называя, нас смирению поучал еси.
Радуйся, сердца наша радостью твоею уязвил еси;
Радуйся, надеждою, яко радугой, нас осенил еси.
Радуйся, Преподобне Отче наш Германе, Аляски и всея Америки преславный чудотворче.
Кондак 7
Хотя возсияти свету Богопознания в стране языческой, благоволи Господь смело сеяти семена Православныя Веры, и повеле Тебе, Преподобне, да всех научиши и защищати истинную Веру. Ты же, яко пастырь безстрашный, к нам взываеши: «Не бойся, малое стадо, се аз звоню Пасхальным звоном. Христос Воскресе!»: Аллилуия.
Икос 7
Дивно в вышних молитвенно пребывал еси, Преподобне, но и в нижних на земли сущих не забывал еси, наипаче же о сиротах бездомных велие попечение явил еси, устрояя приют для них и училище, идеже заповедям Господним поучал их. Сих ради трудов твоих приими от нас похвалы сия:
Радуйся, нищих и сирот защитителю;
Радуйся, яко приют устроив, страху Божию их обучал еси.
Радуйся, великим трудом землю вскопав, во сто крат плод принесл еси;
Радуйся, хлебом небесным и земным сиропитателю.
Радуйся, яко живою водою Евангелия всех напоил еси;
Радуйся, единой малой рыбкой чудесно приумножив, многих насытил еси.
Радуйся, молчальниче не от мира сего;
Радуйся, учителю непрестанно молитися и Бога всем сердцем любити,
Радуйся, Преподобне Отче наш Германе, Аляски и всея Америки преславный чудотворче.
Кондак 8
Странное чудо яви человеколюбец Господь в тебе, Преподобне, яко источник утешения людям своим, дарова тебе дар прозрения и исцеления. Делами бо своими и словесы многих привел еси к любви Божией, тем же сиянием подвигов Твоих просвещеннии, люди взывали ко Господу: Аллилуия.
Икос 8
Весь бо избранник Божий был еси, люди новопросвещеннии светом Христовой Веры притекаху к тебе в болезнех и печалех. И ты, яко отец чадолюбивый, предстательствовал за всех в молитвах, источая исцеления и утешая всех, к тебе притекающих за помощью, тем же славяща Тя духовная чада твоя:
Радуйся, душ смятенных умирителю пресладкий;
Радуйся, врачу наш благодатный и помощниче скорый.
Радуйся, яко во время мора к Сретению Господню всеусердно прибегающий;
Радуйся, в честь Сретения же первый храм на Еловом, яко преподобный Нил, нарекший.
Радуйся, бездомных защитителю от врагов видимых и невидимых;
Радуйся, обуреваемым, яко «Скала Монашеская», надежное пристанище.
Радуйся, яко «нянькой» себя народу новому назвавший;
Радуйся, любвеобильный аппа , грядущее яко настоящее провидевший.
Радуйся, Преподобне Отче наш Германе, Аляски и всея Америки преславный чудотворче.
Кондак 9
Всего естества ангельскаго собеседниче был еси, блаженне Отче наш Германе, еже сам о себе свидетельствовал еси, како с тобою в пустыни ангели быша, святую Агиасму на праздник Богоявления освящая, и с ними ты сладостно воспевал еси. Земнородные же, слушая сие, дивилися, взывая вкупе: Аллилуия.
Икос 9
Витии многовещанныи не возмогут исчислить чудеса твоя, людям явленныя, егда и моря волнение, и пожар лесной молитвами своими утишал еси. Егда же бысть наводнение велие, ты молитвою своею у иконы Божией Матери остановил еси море, рекши: «Далее сея черты не прейдет вода». Тем же ти воспеваем сице:
Радуйся, стихии водныя усмирителю дивный;
Радуйся, от пожара леснаго избавителю преславный.
Радуйся, Святителя Иннокентия, в море взывавшаго к тебе, услышавший;
Радуйся, Священномученика Патриарха Тихона к себе призвавший.
Радуйся, в море плавающим кормчий надежный;
Радуйся, яростных медведей кротостью твоею приручивший.
Радуйся, гнев злых людей тихостью исправлял еси;
Радуйся, яко дивное благоухание с небес к тебе прибегающим посылал еси.
Радуйся, Преподобне Отче наш Германе, Аляски и всея Америки преславный чудотворче.
Кондак 10
Спасительную и честную кончину твою восхваляем, предузнал еси день и час блаженного восхождения твоего от земли на небо. Преславно бысть и погребение твое, егда тридесять дней бысть на море волнение и исполнилось предречение твое о погребении твоем; ученик же твой Герасим, обоняв благоухание дивное и видя свет невечерний, яко овеян был еси в час смерти твоей, воспел Богу: Аллилуия.
Икос 10
Стена еси иноческому роду, Отче, яко житием твоим и при кончине твоей явил еси дивное чудо — тело бо твое в теплой храмине множество дней пребысть без истления. Люди же, видяще в час кончины твоей огненный столп до небеси, возопиша тебе таковая:
Радуйся, праведною кончиною в святости твоей нас уверивый;
Радуйся, яко огненным столпом бысть путь восхождения твоего на небеса.
Радуйся, тело твое благоуханное в наследие нам оставивый;
Радуйся, яко у раки мощей твоих хромые возсташа и глас твой из гроба слышаша.
Радуйся, яко землею с могилы твоей недужные исцелил еси;
Радуйся, яко источник воды святой и целебной нам даровал еси.
Радуйся, яко призываему на Еловый, Старцу Герасиму наяву явился еси;
Радуйся, тайно, яко живый, на Еловом в тишине пребываеши.
Радуйся, Преподобне Отче наш Германе, Аляски и всея Америки преславный чудотворче.
Кондак 11
Пение непрестанное Святой Троице вознося в пустыни своей среди дикой природы, ты, Отче святый, духом прозревал собор святых угодников Божиих, на земле Американской насажденный и тобою хранимый, взывал еси с лики ангельскими: Аллилуия.
Икос 11
Светоподательный светильник был еси всему будущему иноческому чину, соратникам твоим святым дальней Америки, ранее чуждой истиннаго Православия, о преподобне отче наш Германе, защищая от напастей и ходатайствуя о нас, глаголя: «Не в морских токмо волнах обуреваемся, но среди прелестнаго и многомятежнаго мира страждем и скитаемся, к небесному нашему Отечеству грядем», сего ради вопием ти:
Радуйся, верный сподвижниче Иоасафа, первосвятителя Русской Америки;
Радуйся, свидетелю ревности Иувеналиевой даже до смерти.
Радуйся, провозгласивший Новомучеником Алеута Петра;
Радуйся, наставивый ученика своего Сергия стать ангелов собеседником.
Радуйся, предвидевший святительство Иннокентия Алеутскаго, Первоиерарха Всероссийскаго;
Радуйся, чудесно призвавший себе подобнаго инока Герасима возобновити Новый Валаам.
Радуйся, оградивший от темницы Адриана пресвитера на Руси безбожием плененной;
Радуйся, вдохновивший Святителя Иоанна потрудиться тебя прославити.
Радуйся, Преподобне Отче наш Германе, Аляски и всея Америки преславный чудотворче.
Кондак 12
Благодать твою и велие твое дерзновение пред Богом ведуще, тебе, преподобне Отче, молимся, молися тепле ко Господу да оградит Церковь Свою святую от духа мира сего, посягающаго на сынов Ея неверием, затмевающим радость жизни, Богом дарованную на создание Града Божия, дабы восходить от земли на небо, и пети Богу: Аллилуия.
Икос 12
Поюще твое прославление, ублажаем тя, Преподобне, яко многомощна, предстоя пред Лествицей «Восхождения Божественнаго» от земли на небо. Ты же, стяжавший Духа Святаго и осветивший земли наши, услыши нас, низу стоящих, вопиющих к тебе таковая:
Радуйся, молитву чистую стяжавший теплотою сердца;
Радуйся, действие святое приобретший.
Радуйся, слезы сердечныя обильно источавший;
Радуйся, тишины и мира помыслов достигший.
Радуйся, очищение ума ради созерцаний Таин Божественных;
Радуйся, осияние сокровенное и странное.
Радуйся, просвещение сердца Духом Святым;
Радуйся, вкусивший совершенство и нас к сему призывающий.
Радуйся, Преподобне Отче наш Германе, Аляски и всея Америки преславный чудотворче.
Кондак 13
О, преславный угодниче Божий, Преподобне и Богоносне Отче наш Германе, приими малое сие моление наше, в похвалу тебе возносимое, и предстоя ныне Престолу Господа Вседержителя, непрестанно молися о нас, чадах твоих смиренных, слышащих глас твой, к нам обращенный: «От сего дня, от сего часа, от сей минуты, да будем любить Бога превыше всего и творить святую Волю Его», поющих Ему: Аллилуия. (Трижды). И паки икос первый и кондак первый.
Тропарь
Глас 4
Пустыни северныя подвижниче и о всем мире благодатный молитвенниче, православныя веры обучителю и благочестия добрый наставниче, Аляски украшение и всея Америки радование, Преподобне Германе, моли Христа Бога, да спасет души наша.
Кондак
Глас 8
Валаама постриженниче и Божией Матери возлюбленне, подвигов древних пустынников новый ревнителю, молитву прием, яко копие и щит, страшен демонам и тьме язычестей еси, сего ради вопием ти, Преподобне Германе, моли Христа Бога спастися душам нашим.
Молитва
ПРЕПОДОБНОМУ ОТЦУ НАШЕМУ ГЕРМАНУ АЛЯСКИНСКОМУ
О предивный угодниче Божий, Преподобне Отче наш Германе, ты подвигом добрым подвизался в стране суровой природы — и в малом сем ты верен был в служении Богу, по глаголу Господню: «В малом был еси верен, над многим тебя поставлю». И ныне поставлен ты небесным покровителем, яко ангелом хранителем, страны Дальняго Запада, Аляски и Америки и хранителем всех православных в странах новопросвещенных Верой нашей Православной, молися прилежно за монашеский чин, всех православных христиан и всех страждущих и томящихся в юдоли мирской суеты, да сохранит на земле Господь Церковь Воинствующую в чистоте Православия, да оградит всех людей доброй воли от темных сил вражиих и вселит в сердца наша жажду чистоты веры и благочестия, дух мира и любви, кротости Христовой и смирения, скорбящим — утешение, алчущим правды духовной — пищу небесную, и да улучив желаемое, обрящем праведное воздаяние в день Страшнаго Суда и со всеми святыми воспоем Живоначальную Троицу: Отца Непостижимаго, Истиннаго и Единороднаго Сына, и Святаго Утешителя Духа во веки. Аминь.
Кондак 1
Избранный архиерею, исповедниче и угодниче Христов, Православия непоколебимый столпе, Отечеству нашему крепкое ограждение и ходатаю нашего спасения, благодаряще прославльшаго тя Господа, восхваляем тя, великаго предстателя и заступника нашего. Ты же, яко имеяй дерзновение ко Господу, от всяких нас бед свободи, любовию тебе зовущих:
Радуйся, святителю Тихоне, всея Российския земли добрый пастырю и дивный предстоятелю.
Икос 1
Ангела хранителя Российския земли дарова тя Господь во дни великих бед и напастей, обышедших страну нашу, да спасет ю от погибели и призовет чад Божиих к подвигу стояния за веру и к покаянию. И ныне, егда за умножение беззаконий оскуде вера, охладе любы, надежда подвижеся, да светит всем подвиг твой и да поют вси обретшии тобою спасение:
Радуйся, Истиннаго Бога верный служителю.
Pадуйся, веры Христовы непобедимый исповедниче.
Радуйся, молитвенниче за Русь неотступный.
Pадуйся, пастырю наш добрый и вселюбимый.
Радуйся, страстем Христовым приобщивыйся.
Pадуйся, душу за паству твою положивый.
Радуйся, благодатию Святаго Духа озаренный.
Pадуйся, Христа всем сердцем возлюбивый.
Радуйся, Российския державы славо и ограждение.
Pадуйся, кротости и смирения исполненный.
Радуйся, отеческих богодухновенных преданий верный хранителю.
Pадуйся, правило веры и образе кротости духовныя.
Радуйся, святителю Тихоне, всея Российския земли добрый пастырю и дивный предстоятелю.
Кондак 2
Видя Господь сердца твоего изволение, от юности избра тя, да прославиши житием твоим имя святое Его, и дарова отцу твоему чрез сонное видение пророчество, яко сын его Василий будет велий пред Богом. Ты же, закону Божию усердно поучаяся, бысть пример братии твоей и исполнися духа разума, Христу Богу поя: Аллилуиа.
Икос 2
Разум имея Богом просвещенный, отче Тихоне, познал еси суету мира сего, егда во граде Пскове приял еси пострижение монашеское с именем в честь святителя Тихона, Задонскаго чудотворца, емуже подражал еси кротостию и смирением, всего себе отдав служению Единому Богу. Мы же, благоговейне тя почитающе, зовем:
Радуйся, от рождения твоего Богом избранный.
Pадуйся, честных родителей чадо благословенное.
Радуйся, святителю Василию Великому тезоименитый и подражателю верный.
Pадуйся, цвете благоуханный добраго воспитания.
Радуйся, от юности божественное учение возлюбивый.
Pадуйся, любве ради ко Господу дом отеческий оставивый.
Радуйся, во граде Торжце под кровом великия святыни — иконы Божия Матере Корсунския поживый.
Pадуйся, церковному служению от детства прилежавый.
Радуйся, еще во учении дар рассуждения явивый.
Pадуйся, от друзей пророчески патриархом прозванный.
Радуйся, дарованный тебе талант умноживый.
Pадуйся, покровом Пресвятыя Богородицы осененный.
Радуйся, святителю Тихоне, всея Российския земли добрый пастырю и дивный предстоятелю.
Кондак 3
Силою свыше облече тя Дух Святый, архипастыря Церкве Российския поставляя; ты же в добродетелех возрастая, уготовлял еси себе к подвигу сему, разумея, яко истинное служение архипастыря есть непрестанное умерщвление от забот, трудов и печалей, ревностно подвизался еси о спасении вверенныя тебе паствы и о помощи небесней молился еси, взывая Богу: Аллилуиа.
Икос 3
Имея в сердце своем твердую веру во Христа, святителю Тихоне, не точию в России, но и в Новем Свете послужил еси Богу, идеже, подражая апостолом, обходил еси грады и веси, просвещая люди светом Православия, и усердно молил еси Бога, да утвердит их в вере и благочестии и да прославит имя Свое. Сего ради и мы, воспоминающе велия труды и подвиги твоя, величаем тя:
Радуйся, апостольскую силу восприемый.
Pадуйся, во благовестии Христове потрудивыйся.
Радуйся, запад солнца светом Православия озаривый.
Pадуйся, молитвенниче к Богу дерзновенный.
Радуйся, равноапостольным просветителем Новаго Света преподобному Герману и святителю Инокентию в трудех и подвизех поревновавый.
Pадуйся, Православныя Церкве во Америце небесный покровителю.
Радуйся, светильниче, седящих во тьме просветивый.
Pадуйся, правую веру непреложно утвердивый.
Радуйся, стадо, тебе от Христа врученное, сохранивый и ко спасению наставивый.
Pадуйся, Христова виноградника делателю верный.
Радуйся, всех православных христиан заступниче.
Pадуйся, у Престола Святыя Троицы всегда за ны молящийся.
Радуйся, святителю Тихоне, всея Российския земли добрый пастырю и дивный предстоятелю.
Кондак 4
Бурю лютых искушений воздвиже князь мира сего на державу Российскую и Церковь Божию. Во дни сия мятежей и нестроений соборно избирает тя народ православный Московскаго архипастыря, отче Тихоне, да будеши всем верующым пастырь и наставник в жизни сей, да охраниши и оградиши молитвою твоею от бед и напастей град Москву — сердце Руси православныя. Мы же, таковому промышлению Божию радующеся, благодарне вопием: Аллилуиа.
Икос 4
Слыша Господь ходатайства Царицы Небесныя о спасении и устроении России, Дома Ея земнаго, воздвиже тя, святителю отче Тихоне, пастыря и отца по сердцу нашему, уготовляя всех на день испытания, дабы собрал ты воедино ратоборцы Христовы и извел их на брань со враги Церкве Его. Сего ради приими от нас похвалы сия:
Радуйся, Православия великий ревнителю.
Pадуйся, светильниче земли Российския.
Радуйся, за Дом Пречистыя Богородицы даже до смерти стояти призываяй.
Pадуйся, воине Христов непобедимый.
Радуйся, любовию своею нас согреваяй.
Pадуйся, отче милостивый и благодатный.
Радуйся, любви к Богу и ближним нас научаяй.
Pадуйся, народа твоего премудрый наставниче.
Радуйся, на вся времена образ истиннаго пастыря земли нашея показавый.
Pадуйся, не посрамивый нашего упования.
Радуйся, граду Москве Богом данный покровителю.
Pадуйся, Церкве Христовы мужественный защитниче.
Радуйся, святителю Тихоне, всея Российския земли добрый пастырю и дивный предстоятелю.
Кондак 5
Яко лучезарную звезду, весь мир озаряющую до края земли показала еси нам, Владычице мира, честную икону Свою, Державною именуемую, на нюже взирая святитель Московский Тихон Тебе, Пречистая, покланяяся, молися о спасении и избавлении Отчизны нашея от нужды и печали, поя Богу: Аллилуиа.
Икос 5
Видевше тя людие Российстии главу великаго Собора Церкве Русския Православныя, удивишася, егда рекл еси, яко ныне, во дни скорби и гонений, переживаем радостное время. Ты бо, ведая, яко прииде Благодатная во спасение людей Своих, вверил еси страну нашу и Церковь Русскую Владычице Державней. Мы же в Державный Ея Покров прибегающе, воспеваем тя, святителю Божий и верный служителю Господа:
Радуйся, все упование на Матерь Божию возложивый.
Pадуйся, Отчизну нашу и Церковь Христову Покрову Ея вручивый.
Радуйся, явлением иконы Божия Матере Державныя возвеселивыйся.
Pадуйся, дивный акафист иконе сей написати благословивый.
Радуйся, икону святую Державную в щит и ограждение страны Российския показавый.
Pадуйся, яко иконою тою многая чудеса изливаются.
Радуйся, к Богоматере молитвенниче наш неусыпный.
Pадуйся, яко милостию Пречистыя дарова Господь тя в радость и утешение страждущым.
Радуйся, Божия Матере избранниче.
Pадуйся, верный таин Божиих строителю.
Радуйся, сердце свое во всегдашнее Богу и Божией Матери служение предавый.
Pадуйся, яко вшел еси в радость Господа твоего.
Радуйся, святителю Тихоне, всея Российския земли добрый пастырю и дивный предстоятелю.
Кондак 6
Проповедует вся земля Российская милость Твою, о Богомати, како во дни разорения и смуты в Отчизне нашей священный Собор Церкве Русския Патриарха, всея же Руси единаго пастыря и молитвенника утверди. Ты же, Пречистая, от иконы Твоея Владимирския жребий первосвятительства сего Твоему избраннику, святителю Московскому Тихону, даровала еси, да расточенная чада Церкве паки воедино соберет и грядут по нему вси, поюще Богу: Аллилуиа.
Икос 6
Возсия свет радости в сердцах верных, егда Собора освященнаго избранник взыде на престол патриаршия власти, глаголя: «Понеже священный и великий Собор суди меня, недостойнаго, быти в таковом служении, благодарю, приемлю и нимало вопреки глаголю». Темже и мы, чудное твое избрание воспоминающе, поем:
Радуйся, в день Успения Пресвятыя Богородицы главою Собора Всероссийскаго возглашенный.
Pадуйся, тем Собором к великому и страшному служению твоему призванный.
Радуйся, пред иконою Божия Матере Владимирскою по жребию Патриархом избранный.
Pадуйся, на престол патриарший в день Введения во Храм Пресвятыя Богородицы возшедый.
Радуйся, жезл перваго святителя Московскаго Петра достойно приемый.
Pадуйся, в ризу священномученика Патриарха Ермогена облаченный.
Радуйся, великих святителей Российских сопрестольниче.
Pадуйся, всех под покров и защищение отечески приемляй.
Радуйся, тяжкий жребий патриаршества со смирением понесый.
Pадуйся, от Господа умудренный в служении своем.
Радуйся, первосвятителю, от Самаго Господа предызбранный.
Pадуйся, заступниче наш и верный от бед хранителю.
Радуйся, святителю Тихоне, всея Российския земли добрый пастырю и дивный предстоятелю.
Кондак 7
Хотя враг рода человеческаго веру Христову истребити в земли Российстей, воздвиже бурю злобы нечестивых на Церковь Божию. Тогда мнози архиереи, священницы, монаси и мирстии страшныя муки и смерть прияша. Ты же, отче Тихоне, моление устави совершати о гонимых и убиенных исповедницех и новомученицех, ихже имена весть Господь. Темже прославляюще укрепившаго их Христа Бога нашего, благодарно поем Ему: Аллилуиа.
Икос 7
Новый светильник и Церкве непоколебимый столп явился еси, святителю отче Тихоне, егда призвал еси народ православный к подвигу стояния за веру, возвысив глас свой: «Аще нужно есть пострадати за дело Христово, зовем вас, возлюбленная чада Церкве, на сия страдания вместе с собою, да расточатся и посрамлени будут врази Церкве силою Креста Христова». Мы же, ведуще силу благословения твоего, величаем тя:
Радуйся, исповедниче веры во Христа неустрашимый.
Pадуйся, всех верных стоянию до смерти за Православие научивый.
Радуйся, прияти мученическую смерть желавый.
Pадуйся, чашу страдания и долготерпения до конца испивый.
Радуйся, на страже Руси Православныя до смерти стоявый.
Pадуйся, свободу и достоинство Церкве Христовы хранивый.
Радуйся, отрадо и утешение скорбящих людей Российских.
Pадуйся, паствы твоея добрый наставниче.
Радуйся, неправедно гонимых защитниче.
Pадуйся, немощных укрепление.
Радуйся, к духовному подвигу всех чад Церкве Христовы призываяй.
Pадуйся, образе мужества духовнаго.
Радуйся, святителю Тихоне, всея Российския земли добрый пастырю и дивный предстоятелю.
Кондак 8
Странно есть маловерным и малодушным видети, како святитель Христов Тихон грозно обличает безбожных властителей тьмы века сего, пророчествуя, яко Господь посрамит и разорит их замыслы, и от меча погибнут взявшии меч, и взыщется от них всякая кровь праведная, ими проливаемая. Тогда вси людие узреша, яко Патриарх всея России не ведает страха пред князем мира сего с его служители. Мы же, прославляюще Господа, даровавшаго избраннику Своему таковое дерзновение, поем Ему: Аллилуиа.
Икос 8
Вся сила вражия ополчися на тя, святителю Тихоне, егда приидоша тати и разбойницы, послушнии своим повелителем, покушавшиися лишити тя патриаршаго и священнаго сана. Во гневе воззре Господь на них и посмеяся им: не послушался бо еси, святителю Божий, разбойническаго собора, не предал еси земным лиходеем власти своей, врученныя тебе Самою Царицею Неба и земли. Таковую победу твою над слугами тьмы празднующе, поем тебе:
Радуйся, поборниче крепкий противу вождей тьмы века сего.
Pадуйся, дерзновенный заступниче за веру православную, теми гонимую.
Радуйся, грозный обличителю нечестия, лжи и беззакония.
Pадуйся, праведности дивное благоухание.
Радуйся, неправедное лишение патриаршаго сана и монашества претерпевый.
Pадуйся, разбойническому собору не подчинивыйся.
Радуйся, анафему врагом Креста Господня изрекий.
Pадуйся, стено нерушимая посреде бури страстей, безбожия и злобы.
Радуйся, вся угрозы и прещения врагов Церкве Христовы презревый.
Pадуйся, лжеучителей лукавство разоривый.
Радуйся, в разуме Богом просвещенный.
Pадуйся, яко стяжал еси блаженство гонимых за правду.
Радуйся, святителю Тихоне, всея Российския земли добрый пастырю и дивный предстоятелю.
Кондак 9
Слышавше твое обличение, святителю Тихоне, сыны беззакония убояшася тя, яко втораго Ермогена и, ярости исполнившеся, в темницу ввергоша тя, не ведающе, яко несть преграды молитве первосвятителя Церкве Русския, Богом поставленнаго, ни в темничных стенах, ни в разстояниих, но яко фимиам благовонный возносятся его моления к Престолу Святыя Троицы, идеже со ангелы весь сонм святых земли нашея поет: Аллилуиа.
Икос 9
Витий человеческих уста не возмогут изъяснити чудо освобождения твоего, но яко апостол Петр избавлен бысть от уз темничных силою молитвы Церкве Христовы, тако просия вскоре победою вера православных людей и молитва твоя. Видяще тя из темницы возвращающася, людие возглашаху: «Христос Воскресе», чада же твоя со слезами лобызаху следы ног святейшаго отца своего, готовии идти за него в темницы и на смерть. Услыши и нас, верою поющих из глубины души:
Радуйся, заточение в темницу за Христа претерпевый.
Pадуйся, сердца всех православных христиан России в молитвах за тя соединивый.
Радуйся, угрозы мучителей презревый.
Pадуйся, народом России возлюбленный.
Радуйся, николиже в сделку с князем мира сего не вступивый.
Pадуйся, кротостию и смирением вражия сети сокрушивый.
Радуйся, скорый помощниче всем за веру истинную гонимым.
Pадуйся, всем народом православным почитаемый и славимый.
Радуйся, сущым в темницах и узах утешителю.
Pадуйся, сильным мира сего небоязненный суда Божия провозвестниче.
Радуйся, путь жизни всей стране Российстей осветивый.
Pадуйся, вольным страданием Христовым подражавый.
Радуйся, святителю Тихоне, всея Российския земли добрый пастырю и дивный предстоятелю.
Кондак 10
Спасение устрояя роду человеческому, попусти Господь велия бедствия и искушения претерпети Церкви Русстей; но не потопити морю житейскому корабля Христова, да не погибнет Церковь Православная. Се бо добрый кормчий, Патриарх Тихон направи корабль Российский к тихой пристани Православныя Церкве, да подвижется держава Российская, благодатию Святаго Духа осененная и кровию новомучеников обагренная, ко исполнению призвания своего. Мы же, радующеся сему, благодарно вопием Богу: Аллилуиа.
Икос 10
Стена необоримая и оружие непобедимое был еси, святителю Тихоне, противу миродержителей тьмы века сего, егда радостный возшел еси на крест служения своего, апостольское дерзновение с духовным разумом соединив, и соделался еси главою великаго и славнаго воинства страдальцев за веру Христову: царие со сродники, святители и пастыри Церкве, монаси и мирстии, мужи и жены, младенцы и отроцы составиша Собор новомучеников и исповедников Российских. Мы же с любовию воззовем ти, помощнику всех душу свою полагающих за други своя:
Радуйся, кормчий Церкве Русския Православныя, Богом избранный.
Pадуйся, в бурях и стихиях мира корабль церковный проведый.
Радуйся, в гефсиманийстей молитве паствою твоею не оставленный.
Pадуйся, Голгофу свою с радостию приявый.
Радуйся, живым сердцем православныя России соделавыйся.
Pадуйся, к сонму новомучеников и исповедников Российских сопричтенный.
Радуйся, великий архиерею, безкровную жертву о людех приносивый.
Pадуйся, о прощении прегрешений народа своего пред Богом молитвенниче.
Радуйся, проповедниче и учителю покаяния.
Pадуйся, печальниче земли нашея.
Радуйся, в стоянии за истину Православия жизнь свою отдавый.
Pадуйся, со всеми святыми Богу угодившими, наследие обретый.
Радуйся, святителю Тихоне, всея Российския земли добрый пастырю и дивный предстоятелю.
Кондак 11
Пение надгробное и рыдание творит Русь Православная у гроба Патриарха Тихона, скончавшагося с тихою молитвою благодарения и славословия. Мы же, с любовию припадающе к мученическому ложу новаго Ермогена, воспоминаем слова святителя Филиппа грозному повелителю Руси: «Мертвый буду вам еще страшнее, а истязуемому вами народу еще милее, нежели живый». Темже убо людие православнии душу святейшаго отца своего к Небеси провождающе, умиленно воспеша Богу: Аллилуиа.
Икос 11
Светом благодати Божия осиян бысть град Москва и обитель Донская, егда прииде день прощания, яко велие духовное торжество и дивная радость в сердцах, растворенная печалию о безвременней кончине духовнаго отца народа нашего. Зряще на сей день скорби и торжества Православия, и мы веруем, яко непреложно есть обетование Господа нашего: «Созижду Церковь Мою, и врата адова не одолеют ея». Темже, святителю Тихоне, светом любве твоей озаряеми, поем тебе:
Радуйся, в день Благовещения Пресвятыя Богородицы в вечныя обители призванный.
Pадуйся, в храме Донския иконы Богоматере упокоивыйся.
Радуйся, в Неделю Ваий погребенный.
Pадуйся, тем путь к Голгофе Русстей Церкви от Господа указавый.
Радуйся, славнейшаго града Москвы похвало и украшение.
Pадуйся, обители Донския неусыпный хранителю.
Радуйся, Архангелов и Ангелов сослужителю.
Pадуйся, праотцев радосте.
Радуйся, пророческому служению причастный.
Pадуйся, апостолов достойный преемниче.
Радуйся, в сонме мучеников и исповедников прославленный.
Pадуйся, святителей и преподобных сонаследниче.
Радуйся, святителю Тихоне, всея Российския земли добрый пастырю и дивный предстоятелю.
Кондак 12
Благодати Божия сокровище явишася нам святыя мощи твоя, святителю Тихоне. Вся в мире падшем истлевают, обаче сила Божия побеждает естества чин: тако мощи и ризы твоя нетленны сохранишася в недрех земли. Темже радуемся мы грешнии, имуще чудныя мощи твоя в храме Донския обители яко знамение милости Божия в новая смутная времена державы Российския, и благодарственно взываем Богу: Аллилуиа.
Икос 12
Поюще твое прославление, святителю Тихоне, почитаем страдания, хвалим долготерпение и кротость, славим мужество и вся подвиги твоя, яко великаго молитвенника о нас пред Богом, утешителя и предстателя. Тобою Бог украси Дом Матере Своея — землю Русскую, и тело твое, многолетно в земли сокровенное, чадом твоим возврати. И ныне, пред ракою мощей твоих предстояще, величаем тя:
Радуйся, знамение милости Божия открытием твоих мощей явивый.
Pадуйся, нетлением мощей твоих зарю общаго воскресения мертвых показавый.
Радуйся, благодать исцелений от раки мощей твоих изливаяй.
Pадуйся, яко мощей твоих демони трепещут.
Радуйся, яко молящымся тебе даруеши духовное утешение.
Pадуйся, ты бо, яко солнце новое, освещаеши страну нашу.
Радуйся, мирския бури, волнения и мятежи в тишину мудре прелагаяй.
Pадуйся, радостию о Господе озаренный.
Радуйся, путь спасения многим людем Российским указуяй.
Pадуйся, всех под кров и защищение отечески приемляй.
Радуйся, Матерь Божию яко Заступницу рода Христианскаго почитавый.
Pадуйся, от Господа венцем славы на Небесех венчанный.
Радуйся, святителю Тихоне, всея Российския земли добрый пастырю и дивный предстоятелю.
Кондак 13
О великий святителю и страстотерпче Христов отче Тихоне, подвиг стояния до смерти противу сил злобы подъемый, веру Христову яко щит пред лжеучении мира сего державый и нам образ терпения и мужества духовнаго явивый, приими моление наше, тебе приносимое, даруй духовному стаду твоему и Отечеству нашему помощь в битве за веру православную, за спасение России, укрепи в сердцах наших веру, надежду и любовь, да сподобимся в радости воспевати Богу и Спасителю нашему: Аллилуиа.
Этот кондак читается трижды, затем 1-й икос: «Ангела хранителя...» и 1-й кондак: «Избранный архиерею...»
Молитва святителю Тихону, Патриарху Московскому и всея России чудотворцу
О пастырю наш добрый, святый великий Патриарше Тихоне! Яко град горний ты явился еси: добрая дела твоя и доныне светятся пред человеки. Вемы, яко ты, предстоя Престолу Святыя Троицы, велие имаши дерзновение в молитвах пред Господем. Воззри и ныне на нас, грешных и недостойных чад твоих, к тебе бо, яко имущему велие дерзновение пред Творцем всяческих, ныне припадаем и усердно молимся: умоли Господа, да подаст нам решимость стяжати благочестие отцев наших, егоже ты стяжал еси от юности твоея. Ты в житии своем ревностный защититель и хранитель истинныя веры был еси, помози и нам незыблему соблюсти веру православную. Тихая бо душа твоя зело преуспела есть в божественнем смиренномудрии: научи и нас разум наш питати не многомятежною мудростию человеческою, но смиренным познанием воли Божия. Ты пред лицем лютых врагов Христовых Истиннаго Бога дерзновенно исповедал еси; молитвою своею укрепи нас, малодушных, да и мы всегда и всюду противустанем духу безбожия и льсти. Ей, угодниче Божий, не презри нас, молящихся тебе, ибо не токмо от бед и скорбей избавления просим, но силы и твердости, великодушия и любве, дабы претерпети оныя напасти, востающия на ны. Испроси нам неослабное терпение даже до конца жития нашего, мир с Господем и грехов стпущение. Отче святый! Укроти в стране нашей ветры неверия и смуты, да водворит Господь на земли Российстей тишину, благочестие и любовь нелицемерную; молитвами твоими да сохранит ю от междоусобныя брани, да укрепит Святую Церковь нашу Православную, да не оскудеет она истинными пастырьми, добрыми делательми, право правящими слово Евангельския истины; упаси и заблуждшыя овцы стада Христова. Наипаче же моли Господа Сил, да возродится Русская земля святым покаянием и единем сердцем и едиными усты прославит дивнаго во святых Своих Бога, в Троице славимаго Отца, и Сына, и Святаго Духа во веки веков. Аминь.
Молитва иная
О великий угодниче Божий, страстотерпче и святителю отче Тихоне, яко благоуханный цвет Российскаго луга духовнаго дивно процветый и добрый плод Христу Богу в терпении принесый, главо славнаго воинства новомучеников и исповедников Российских, ты соделался еси отцем всем православным христианом страны нашея и разсеянным по миру чадом Русския Церкве, ты еси наш хранитель и ходатай пред Господем, печальник и молитвенник за землю Русскую — Дом Пресвятыя Богородицы. С любовию припадаем к тебе и прославляюще подвиги твоя благоговейно молим тя, молися Господу нашему Иисусу Христу, яко Насадителю жизни и Победителю смерти, да не погибнет Россия, Отчизна наша, но да будет даже до конечнаго суда Божия светом православныя правды во откровение языков, да не оскудеет вера наша, да не угаснет надежда, да утвердится любы в сердцах наших. О святителю наш милостивый, Церкве Русския светило и столпе непоколебимый, покаяния мудрый проповедниче, молим тя, укроти междоусобную брань страстей наших, огради Церковь Русскую Православную от ересей и расколов, сохрани нас от тлетворных учений и суеверия, избави от лукавых человек, сохрани жизнь нашу от развращений и нестроений, врагами веры и Отечества нашего воздвизаемых, всяческих же искушений избави нас и сподоби в любви и единомыслии совершати дело Господне и воспевати со всеми верными чады Церкве Христовы славу Отцу и Сыну и Святому Духу во веки веков. Аминь.
Тропарь святителю Тихону, Патриарху Московскому и всея России чудотворцу
Тропарь, глас 1:
Апостольских преданий ревнителя и Христовы Церкве пастыря добраго, душу свою за овцы положившаго, жребием Божиим избраннаго Всероссийскаго Патриарха Тихона восхвалим и к нему с верою и упованием возопиим: предстательством святительским ко Господу Церковь Русскую в тишине соблюди, расточенная чада ея во едино стадо собери, отступившия от правыя веры к покаянию обрати, страну нашу от междоусобныя брани сохрани и мир Божий людем испроси.
Тропарь, глас 3:
В годину тяжкую Богом избранный, в совершенней святости и любве Бога прославил еси, во смирении величие, в простоте и кротосте силу Божию являя, положил еси душу за Церковь, за люди своя, исповедниче Патриарше святе Тихоне, моли Христа Бога, Емуже сораспялся еси, и ныне спасти землю Русскую и паству твою.
Кондак, глас 2:
Тихостию нрава украшен, кротость и милосердие кающымся являяй, во исповедании православныя веры и любви ко Господу тверд и непреклонен пребыл еси, святителю Христов Тихоне, молися о нас да не разлучимся от любве Божия, яже о Христе Иисусе, Господе нашем.
Тропарь, глас 4 (Обретение мощей):
Днесь светло красуется славнейший град Москва и веселия исполнися обитель Донская о преславном обретении честных мощей твоих, святителю отче Тихоне, Ангели на Небеси радуются, и Церковь Русская утешается, яко дарова Господь безценное сокровище — нетленныя мощи патриарха Всероссийскаго, исповедника и чудотворца, да вси молящиися пред ними приимут благодатную помощь и исцеление.
Величание
Величаем тя, святителю отче Тихоне, и чтим святую память твою: ты бо молиши за нас Христа Бога нашего.
Автор и составитель акафиста А. Трофимов
Память 26 сентября/9 октября, 25 марта/7 апреля (день преставления) и 5/18 ноября
Святому Преподобномученику Иосифу
Кондак 1
Возбранный ковчеже Завета,ручко и стамно благодати Духа Святого,избравый единое на потребу: избери ны от мира прежде Суда,да изберем Небо,персть есмы, зовуще:
Радуйся, Амбросие,новое вино Отца Небесного.
Икос 1
Ангел-хранитель земный ты еси Образа Пречистой: яко носил еси Ураненную о ланите, уязвляем Любовию Горнею,сице и сам язвы подьяти сподобился еси,палагая душу свою за Други твоя Небесныя, темже Небесныя Чинове поют тебе:
Радуйся,во отроцех Православием уловленный.
Радуйся,весть Благую о возрасте Богоотроковицы восприявый.
Радуйся,безпомошность Благовещенскую возлюбивый.
Радуйся,через все житие Богоотроковице предстоявый.
Радуйся, Амбросие,новое вино Отца Небесного.
Кондак 2
Видяще праведно мученик Иосиф себе в правослвии чистоте дерзновенно молит Пречистую о мире всего мира,благостаянии Святых Бжиих Церквей и соединении всех: мы же, по единому кийджо свое дарование имуще,оскудеваем в любви, притекаем ко Любы неизреченно Рождшей,и ко хранителю чудотворной иконы Ея,умиленно зовуше: Аллилуиа.
Икос 2
Разум недоразумеваемый ищущи нецыи,соглядаша Иверскую Монреальскую икону,из боку чисту не веряще миру истекати: мы же не ведущие,имже образом происходит, свидетелие есмы, яко даже доднесь сухой виссон внезапу мироточит, древле быв напитан тоя святыни, ужасаемся,поюще:
Радуйся, внимавый себе непрестанно.
Радуйся, сердца чиста стяжателю.
Радуйся, Духа права хранителю.
Радуйся, святыни святым подателю.
Радуйся, Амбросие, новое вино Отца Небесного.
Кондак 3
Сила Вышняго осени тогда тебе надолзе молити афонскую братию, да отпустит Владычицу с тобой: егда же Сама Пречистая рече игумену не преграждати пути Ея, благослови тя, мучениче Иосифе образом Святым, сице глаголя: Аллилуиа.
Икос3
Имуще благочестивые корение, Иосифе, обрете един безцен бисер,икону Приснодевы, вся, яко уметы, вменил единое на потребу познал еси,приседяще у ногу Отроковицы: мы же решимости твоея не имамы, обаче молим тебе сице:
Радуйся, благодать Владычицы выну воспевающий.
Радуйся, яко Сия ум твой облагодати.
Радуйся, на всяку нощь бдевый в пении.
Радуйся, наше уныние отгоняющий.
Радуйся, Амбросие, новое вино Отца Небесного.
Кондак 4
Бурю помышлений сумнительных сея внутрь блачестивых сердец, иже обличаемый прежде от тебе, о Иосифе, враг спасения нашего,во всюемлю извел есть клевету об образе кончины твоея: егда же вящше неже дванадесять дний не растленно бе тело твое по смерти, вернии возопиша: Аллилуиа.
Икос 4
Слышаша пастырие будущие заповедь твою, о Иосифе, о еже не ревновати друг ко другу, но по Бозе же ревновати, слышали суть яко глас хлада тонкий евангельский:<< Заповедь новую даю вам: да любите друг друга:>> удивляхуся о избрании твоем, зовуще:
Радуйся, свирель евангельская.
Радуйся, и трубо противогордостная.
Радуйся, послушниче Церкви преискреннейший.
Радуйся, овча пастырелюбнейшее.
Радуйся, Амбросие, новое вино Отца Небесного.
Кондак 5
Боготечную звезду узревше теплохладнии людие последних времен, Иверскую Монреальскую икону Божия Матере, источиша теплыя слезы покаяния, купно со подобным древлему Обручнику новым Иосифом, вопия Долготерпеливцу: Аллилуиа.
Икос 5
Видяще отрок румынский Славу Небесною, осиявающую тебе, рабе Божий, благий и верный, распали сердце его сатана огнем чуждим: бысть бо ему воня Христова в смерть: мы же взирающе на страшные и чудные судьбы Божии рцем токмо:
Радуйся, не могущий укрытися, верху горы стоящи.
Радуйся, живый токмо в помощи Бога Вышняго.
Радуйся, любы, иже всему верит.
Радуйся, просящим у тебе дающий даже доднесь.
Радуйся, Амбросие, новое вино Отца Небесного.
Кондак 6
Проповедниче Богоносне воистину был еси ты, о Иосифе: яко же древле Обручник, телохранитель Пречистыя был еси, Хранимая же тобою душу твою спасе от всякия неприязни, присно поющу тебе: Аллилуиа.
Икос 6
Возсиявый во оном Египте икону Пречистыя Матери Своея, возсия такожде и тебе, хлебодавче Иосифе: ты же немногими леты сокровиществова толикую благодать, иже доднесь маннопитает ны, поющыя тебе:
Радуйся, не о хлебе единем живый человек.
Радуйся, глаголов пищных источниче.
Радуйся, всем вся бывый.
Радуйся, и себе, яко пшеницу чистую Господу принесый.
Радуйся, Амбросие, новое вино Отца Небесного.
Кондак 7
Хотящим Силам Небесным подвигнутися, и трети светил низврещися, и небу, якоже, свитися, не благословися сие, дондеже не взыди к Небесным новый лествицевидец и вси новейшие мученицы за Христа, вопиющии: Аллилуиа.
Икос 7
Новый конкистадор Америце, блудами одряхлевшей, немногим веком истекшим, явился еси, якоже прежний Кортес, пирамиды богохульныя разоряя: мы же во свете твоем видя свет Христов, поем ти, о Иосифе:
Радуйся, каменю несекомый, поражаяй Америцы.
Радуйся, Пращу носящий непобедимую.
Радуйся, новая Америка Русская.
Радуйся, Русь Святая в глубинах адовых.
Радуйся, Амбросие, новое вино Отца Небесного.
Кондак 8
Странное течение твое зряще,сквозе страны различныя обходящее, чему уподобим сие. Разве ведению Андрея Юродиваго, иже не узре Пречистую в Раю, Странствующую на земли, спасая поющих: Аллилуиа.
Икос 8
Всем вся быв,нижних не оставил еси в ежедневней молитве всенощной, Вышних умоляя помиловати стадо безответное, Велицей Княгине Елисавете подражая, якоже и она, русским быв, нежели мнози в России живущии. Мы же имущему благословение новомученицы глаголем сице:
Радуйся,во Америце погребенный.
Радуйся, земля России в разсеянии.
Радуйся, икону Пречистыя еллином и иудеом сиявый.
Радуйся, тобою бо Мати Господа явилася нам.
Радуйся, Амбросие, новое вино Отца Небесного.
Кондак 9
Всякое естество ангельское удивися, како ты не женивыйся, паче всех пеклся еси, о еже угодити Жене, Богови угождая, сыновству невестному твоему поюще: Аллилуиа.
Икос 9
Ветия многовещанныя вемы мнози и во ограде Христовой: таинственное же служение твое созерцая, да молчит убо всяка плоть человеча, Господу рекущу: ей, Владыко, яко тако бысть благоволение пред Тобою.Исповедая род твой, поем сице:
Радуйся, род твой, поем сице.
Радуйся, молчальниче неизглаголанне.
Радуйся, уста Пречистыя Девы уста.
Радуйся, иерарше Духа Свята.
Радуйся, Амбросие, новое вино Отца Небесного.
Кондак 10
Спасти хотя мир, аще ли не спасеши, Владыко Святый. Вемы, яко вся, елико хощеши, можеши. Обаче несть спасения не хотящим спасатися от грехов своих, не волящим пети: Аллилуиа.
Икос 10
Стена бысть миродержительная чудотворная икона Божия Матере Иверская: падающей уже бо ладие воздушней, егда,о Иосифе, ты воздвигл еси моисейски руце твои, Икону подьемля, абие низпадоша безстыдни врази, ладия же воздушная исправися, всем поющим в ней:
Радуйся, Мати Божия, Крестом Мати наша.
Радуйся, по Сыне хотящая спастися всем.
Радуйся, неверному внити на Твой корабль попустившая.
Радуйся, веру ему подавшая.
Радуйся, Амбросие, новое вино Отца Небесного.
Кондак 11
Пение всякое побеждается ангельское Твоими, Пречистая, словесы: Се раба Господня, буди ми по глаголу Твоему. Тем же и раб Твой Иосиф наипаче всех человеку возможных возлюби тишину сию, непрестанно взывати к Богу: Аллилуиа.
Икос 11
Светоприемную свещу во образ Фомина отшествия опоздавший на панихиду обретоша: возвеявшим ветром, зеельне належащим свещи той, не возмогоша угасити сияние ея, иже из под спуда подаде ей Иосиф мощно, емуже поем:
Радуйся, в тебе бо светяй и освещаемии от Единого вси.
Радуйся, брате в житии, братия нарицаяй нас ныне.
Радуйся, искушенный мученичеством.
Радуйся, могущий искушаемым нам помощи.
Радуйся, Амбросие, новое вино Отца Небесного.
Кондак 12
Благодать дати восхотев идеже не ступала есть апостальская нога, Американстей земле,отверзает Сущий Иверскую Монреальскою иконою потоки чудес, оконце же раскрывает к Небесным всем поющим о Ней: Аллилуиа.
Икос 12
Поюще Божией Матери дондеже пребыл еси с нами в житии твоем, о Иосифе, поеши ныне Чеснейшую Херувим и Славнейшую без сравнения Серафим на Небе Небеси:о страстотерпче святый: воспомяни нас унылых и непостоянных, обаче поющих тебе:
Радуйся, до конца возлюбивый Крестне Возлюбльшаго тя.
Радуйся, восполняяй Страсти Христовы страданием твоим.
Радуйся, юдоль нашу плача к пению крестне возвысивши.
Радуйся, страдание преображенное.
Радуйся, Амбросие, новое вино Отца Небесного.
Кондак 13
О Иосифе Новый, пшеницедателю древнему, напояя весь мир миром, райское соние о нас зряще, подобный! О Иосифу Обручнику, обрученный Святой Иконе, последовавый! О Иосифу Аримофею, зряще ныне Тело Христово, Церковь Его, на Крест возносимую, сотаинниче: разреши ны от уз малодушия и уныния, решимости о Бозе исполняя: вяжи ны любовию о Христе, разрешая блужения мирского, поющих о тебе: Аллилуиа.
Перед иконой её "Знамение" (Курская-Коренная)
Тропарь, глас 4
Яко необоримую стену и источник чудес стяжавше Тя раби Твои, Богородице пречистая, сопротивных ополчения низлагаем. Темже молим Тя: мир граду Твоему даруй и душам нашим велию милость.
Кондак, глас 4
Честнаго образа Твоего знамение празднующе, людие Твои, Богородительнице, имже дивную победу на сопротивныя граду Твоему даровала еси. Темже Тебе верою взываем:
Радуйся, Дево, христиан похвало.
Кондак 1
Празднование 21 марта, 21 сентября и 10 декабря и в 9-ю пятницу по Пасхе.
Взбранной Воеводе и благой Одигитрии, путеводящей нас к Небесному Граду, приидите, припадем вси, града зде пребывающего не имущии, Тоя всесильнаго заступления просяще, чудеса же, от лет древних даже доныне от иконы Ея бываемыя, поминающе, велегласно возопиим:
Радуйся, Владычице, знамения милости Твоея миру присно являющая.
Икос 1
Ангели удивишася, зряще Тя, Владычице, иконою Твоею, яко столпом огненным, нам предходящую в великом исходе нашем из земли, беззаконники порабощенныя. Не Моисея бо, но Самую Тя имамы Путеводительницу в скорбном странствовании нашем, темже Ти благодарне зовем:
Радуйся, благословенная Одигитрие;
Радуйся, истиннаго Пути Мати.
Радуйся, сквозь пустыню мира сего нас провождающая;
Радуйся, Амалика мысленнаго преславно побеждающая.
Радуйся, источники благодати от иконы Твоея источающая;
Радуйся, закон Сына Твоего, Христа Бога нашего, на скрижалех сердец наших написующая.
Радуйся, зноем страстей палимых благодатное окропление;
Радуйся, изнемогающих всемощное укрепление.
Радуйся, сердец смятенных тишайшая усладо;
Радуйся, странных и сирых Божественная отрадо.
Радуйся, землю обетованную нам приуготовляющая;
Радуйся, небеснаго Иерусалима врата нам отверзающая.
Радуйся, Владычице, знамения милости Твоея миру присно являющая.
Кондак 2
Видехом, видехом выну чудеса и знамения Твоя, Владычице, исповедуем милость, не таим благодеяний Твоих, обаче велегласно вопием: Аллилуиа.
Икос 2
Разум Божий кто постиже и тайну судеб Его кто повесть? Возводит бо и низводит, смиряет и возносит, поражает и исцеляет, и кто бысть советник Ему? Темже и нас, грех наших ради, смири и царство наше низложи, сыны наша по всему лицу земли разсеяв. К кому убо прибегнем в скорби нашей, к кому руце прострем, аще не к Тебе, Всеблагая. Обаче сердцем сокрушенным вопием Ти таковая:
Радуйся, Сына Твоего за нас умоляющая;
Радуйся, праведный гнев Божий утоляющая.
Радуйся, беззаконий наших очищение;
Радуйся, грешным Ходатаице прощения.
Радуйся, светильник упования немеркнущий нам возжегшая;
Радуйся, во исходе и странствовании нашем иконою Твоею нам предтекшая.
Радуйся, вся разсеянныя воедино собирающая;
Радуйся, омофором Твоим светообразным вся покрывающая.
Радуйся, раздоры и нестроения умиряющая;
Радуйся, советы нечестивых разоряющая.
Радуйся, плавающих в житейском море окормляющая;
Радуйся, попечением Твоим ни единаго же оставляющая.
Радуйся, Владычице, знамения милости Твоея миру присно являющая.
Кондак 3
Силы Тобою деются и благодать от честныя иконы Твоея неоскудно изливается, Преблагословенная Дево, вся подвизая о Тебе вопити: Аллилуиа.
Икос 3
Имущи милосердие неизреченное, тамо благодать Твою возсияваеши, Всеблагая, идеже тьма огустевает и скорби приумножаются, темже не оставила еси нас сирых, обаче во иконе Твоей к нам убогим пришла еси, славящим Твое снисхождение и вопиющим сице:
Радуйся, чудес море;
Радуйся, милости пучино.
Радуйся, благодати приснотекущий источниче;
Радуйся, исцелений кладезю неисчерпаемый.
Радуйся, естества уставы победшая;
Радуйся, законы естественныя пременившая.
Радуйся, скорби наша на радость прелагающая;
Радуйся, плач и стенание в веселие духовное претворяющая.
Радуйся, озлобления и беды на пользу нам обращающая;
Радуйся, враги наша преславно смиряющая.
Радуйся, чаяния врагов посрамляющая;
Радуйся, поющия Тя возвеселяющая.
Радуйся, Владычице, знамения милости Твоея миру присно являющая.
Кондак 4
Бури искушений, на нас находящей, скорбям же и болезням, нас посещающим, егда терпению в нас оскудевати и духу нашему смущатися, притецем ко образу Пречистыя Девы и слезы точаще Той, от сердца возопиим: Богоноснеи руце Твои нам простирающи, из глубины зол возведи ны, яко да благодарными усты зовем: Аллилуиа.
Икос 4
Слышаху древле людие российстии слух явления святаго Твоего образа в дубраве Курстей и текше к нему со тщанием, умильно взываху: “Откуду нам сие, да прииде к нам Мати Господа нашего”, узрев же икону Твою, Владычице, при корене древеснем лежащую, и приемше ю, яко сокровище великое, возопиша Тебе, Первообразней:
Радуйся, раю светлейший, древо Жизни израстивший;
Радуйся, вертограде Божественный, древо Церкви прозябший.
Радуйся, Цвете благовонный, мир весь облагоухаяй;
Радуйся, крине непорочный, вселенную украшаяй.
Радуйся, лозо благоплодная, вином умиления всех напоившая;
Радуйся, розго освященная, плоды сладостными род человеческий напитавшая.
Радуйся, кореню домостроительства Божия;
Радуйся, спасения нашего верх и главизно.
Радуйся, злыя наши страсти из корене посекающая;
Радуйся, добродетелей сад насаждающая.
Радуйся, добрые обычаи в нас вкореняющая;
Радуйся, причастники райския жизни быти нас сподобляющая.
Радуйся, Владычице, знамения милости Твоея миру присно являющая.
Кондак 5
Боготочней звезде подобящеся, икона Твоя честная, Госпоже, землю Русскую и грады ея обтекаше, царие сей благоговейно поклоняхуся, царицы любовию ту благоукрашаху, архиереи страхом сретаху, верных же множества, духовно торжествующе, вопияху: Аллилуиа.
Икос 5
Видяще безбожников безумный совет икону Твою, Пречистая, разорити, от Тебе, Дево, посрамленный, и обретше образ Твой святый, от всякаго действа сокрушительна невредим, монаси и мирстии страхом и любовию возопиша Ти сицевая:
Радуйся, крепосте несокрушимая;
Радуйся, стено нерушимая.
Радуйся, лютых безбожников совет посрамившая;
Радуйся, чаяния врагов осуетившая.
Радуйся, хулителей уста заградившая;
Радуйся, икону Твою святую невредимо сохраншая.
Радуйся, от руки злодейской сия соблюдшая;
Радуйся, очи Твои от скверных дел человеческих обращающая.
Радуйся, лица Твоего Пречистаго от нас, убогих, не отвращающая;
Радуйся, из руки диаволи грешныя исхищающая.
Радуйся, прощение кающимся возсиявающая;
Радуйся, двери милосердия Божия ходатайством Твоим отверзающая.
Радуйся, Владычице, знамения милости Твоея миру присно являющая.
Кондак 6
Проповедует мир весь милости, от иконы Твоея изливаемыя, Всецарице! Отнелиже бо изшла еси тою из земли Русския, несть град, ниже весь, в них же не бе являема сила Твоя. Тем же от всех язык спасении и Тобою вопиют благодарно Богу: Аллилуиа.
Икос 6
Возсияй нам паки свет упования, Богородице Пречистая, зарю спасения миру возвестившая во Твоем рождестве. Не предаждь нас до конца в руце врагов наших и советы нечестивых и лютых отступников скоро разори. Да будет и страна наша Российская, якоже древле дом Твой, да процветет в ней благочестие, святыя обители и храмы да благоукрасятся, людие же, от лютых безбожников избавльшеся, да торжествуют с веселием, славяще Твое заступление и зовуще Ти таковая:
Радуйся, любовию Твоею всему миру возсиявшая;
Радуйся, из уст Божественных Сына Твоего всыновление рода человеческаго приявшая.
Радуйся, Мати Божия и Мати христианом;
Радуйся, недугов отъятие и Целительнице раном.
Радуйся, в темницах сущих незаходимый Свете;
Радуйся, узников отрадо и пространство клетей.
Радуйся, за правду гонимых дерзновение;
Радуйся, за веру страждущих тернение.
Радуйся, мучеников венчание;
Радуйся, мучителей грозное воздаяние.
Радуйся, связнем узы разрешающая;
Радуйся, телом и душою плененных свобождающая.
Радуйся, Владычице, знамения милости Твоея миру присно являющая.
Кондак 7
Хотящу праведному Судии и Богу человеки, Того забывающия, вразумити, попусти бранем велиим на земли воздвигнутися. Языцы бо смятошася и царства поколебашася. Смерть и ужас по лицу земли пройдоша, плач и стенание воздух огласи. Тогда убо вси, иже на Тя упование возложиша, Богородице, ко образу Твоему усердно притекаху и, от Тебе единыя спасения чающе, Богу, давшему Тя людем Заступницу, вопияху: Аллилуиа.
Икос 7
Новые знамения и чудеса велия явила еси от иконы Твоея честныя, Богомати, егда услышахом глас брани. Градом бо горящим и земли трясущейся, чертогом разрушаемым и пругом воздух исполняющим, соблюла еси церковь, в ней же образ Твой, Всецарице, пребываше, невредиму: вси же в ней молящиися, чудо видяще, едиными усты возопиша Ти таковая:
Радуйся, Державная Воеводо;
Радуйся, на Нюже уповают вси народи.
Радуйся, Церкве Столп и Утверждение;
Радуйся, всякия святыни защито и ограждение.
Радуйся, победо, мир побеждающая;
Радуйся, и не имущия упования спасающая.
Радуйся, благая Послушательнице молений прилежных;
Радуйся, безпомощных помоще и надеждо ненадежных.
Радуйся, сатану под нозе наша сокрушающая;
Радуйся, огню и стихиям повелевающая.
Радуйся, иконою Твоею нас остеняющая;
Радуйся, Покровом Твоим нас осеняющая.
Радуйся, Владычице, знамения милости Твоея миру присно являющая.
Кондак 8
Странное и страшное знамение явила еси, Всесвятая, егда домом разрушаемым, храмину малую, юже освятила еси прежде иконы Твоея пребыванием, сохранила еси невредиму, старицу же и сына ея, в той крыющихся, целых представила еси. Тем же вси, зрящии и слышащии сия, ужасахуся ужасом, страхом вопиюще: Аллилуиа.
Икос 8
Весь мир любовию Твоею Богоподобною объемлеши, Приснодево, ближняя и дальняя посещающи и всю поднебесную во иконе Твоей приснопоклоняемей обтекающи. Тем же от восток даже до запад шествие Твое бысть, да вси невозбранно к той припадают, Тебе же Первообразней припевают сицевая:
Радуйся, всех радостей Радосте;
Радуйся, Чаше неупиваемая сладости.
Радуйся, нынешняго века скорбнаго утешение;
Радуйся, будущия жизни наслаждение.
Радуйся, веселящихся на небеси нас ради оставляющая;
Радуйся, к земли многоскорбней и многобедствующей приникающая.
Радуйся, со иконою Твоею благодатными стопы невидимо в домы наша входящая;
Радуйся, благословение и радование тем приносящая.
Радуйся, келлии монашеския образом Твоим честным освящающая;
Радуйся, клети убогия паче палат царских тем украшающая.
Радуйся, храмы Божии Ликом Твоим Пресвятым облистающая;
Радуйся, в жилищах чтущих Тя незримо пребывающая.
Радуйся, Владычице, знамения милости Твоея миру присно являющая.
Кондак 9
Всяк возраст и всяк чин притекает к Тебе, Богоневесто Владычице, всем бо простерты суть Богоноснеи Твои руце, всем вся подаеши независтно, вся светлиши и утешаеши, Всецарице. Темже, о Тебе веселящеся, вопием Богу: Аллилуиа.
Икос 9
Вития многовещанныя увядоша и ритори благоглаголивии изнемогоша, по долгу Тя прославити хотящии, Марие Богородице, недоумеет бо всяк ум благохвалити Тя по достоянию, обаче аще мы умолкнем - камение возопиют. Темже, аще и недостойнии суще, бренными усты дерзаем взывати Ти таковая:
Радуйся, пророков огнедохновенный глагол;
Радуйся, апостолов проповедь неумолкаемая.
Радуйся, преподобных сердечное пение;
Радуйся, исповедников крепосте и дерзновение.
Радуйся, молчальников тайнолепная беседо;
Радуйся, риторов и Богопроповедников Златыя уста.
Радуйся, на страсти подвизающихся превознесенная наградо;
Радуйся, всех праведников Божественная отрадо.
Радуйся, матерей славо и девства похвало;
Радуйся, старцев покой и юных Водительнице.
Радуйся, Адама смертнаго дщи, Богу же Родительнице;
Радуйся, славою неизреченною близ Бога сияющая.
Радуйся, Владычице, знамения милости Твоея миру присно являющая.
Кондак 10
Спастися миру тепле помолися, Богородице, помощи бо Твоея требует, сетям лукаваго, по всему лицу земли распростертым, языком же шатающимся, и бурям напастей, на Церковь Божию воздвизаемым; тем же, яко же в Кане Галилейстей иногда, рцы слово к Сыну Твоему и Богу, да воду искушений же и скорбей в вино умиления и веселия Божественнаго претворит, да поем Ему выну: Аллилуиа.
Икос 10
Стена необорима нам буди, Всенепорочная, сопротив ополчений видимых и невидимых враг, державно по нас поборающи, любовию вопиющих Ти таковая:
Радуйся, Богоноснеи руце Твои о нас к Богу присно воздвизающая;
Радуйся, духов злобы под нозе наша покоряющая.
Радуйся, князя тьмы хитросплетенные советы посрамляющая;
Радуйся, тучи помыслов Духом Божиим развевающая.
Радуйся, уныние от нас отгоняющая;
Радуйся, треволнения житейския смиряющая.
Радуйся, бурем напастей повелевающая;
Радуйся, обуреваемым благодатно окормляющая.
Радуйся, из глубины зол извлачающая;
Радуйся, погибающим длани милостивно простирающая.
Радуйся, нози наша на пути спасения наставляющая;
Радуйся, руце наша во бранех укрепляющая.
Радуйся, Владычице, знамения милости Твоея миру присно являющая.
Кондак 11
Пения наша, якоже Сын Твой вдовичу лепту, приими, Всесвятая, и подаждь нам всегда Тебе сия приносити, живот наш в мире управляющи и грехом прощение дарующи, яко да в небесныя обители вшедше, воскликнем Богу: Аллилуиа.
Икос 11
Светообразный омофор Твой, Всеблагая, над землею нашею невидимо простри, нечестия безлунную ночь прогоняющи, зарю же пакибытия возсиявающи, да в радости немолчно зовем:
Радуйся, воистину в Солнце облеченная;
Радуйся, венцем от звезд увязенная.
Радуйся, рясны златыми преиспещренная;
Радуйся, красото неизреченная.
Радуйся, Светлосте, денницы светлейшая;
Радуйся, теплото, солнца любезнейшая.
Радуйся, зарнице будущаго века;
Радуйся, Свете невечерний ангелов и человеков.
Радуйся, темныя демонския полки далече отгоняющая;
Радуйся, неверия тьму просвещающая.
Радуйся, во оружия света нас облекающая;
Радуйся, Святыне, цветы всех добродетелей благоухающая.
Радуйся, Владычице, знамения милости Твоея миру присно являющая.
Кондак 12
Благодать возблагодать от иконы Твоея прияхом, Богородице Пречистая. Никтоже бо притекаяй к той с верою тощь отходит, но кийждо по потребе своей дар Божественный приемлет и радостию венчается, вопия к Богу: Аллилуиа.
Икос 12
Поем Тя, величаем Тя, поклоняем Ти ся, Госпоже Пречистая, сытости похвал Твоих отнюдь не знающе, и припадающи пред честным Твоим образом, умильно взываем Ти сице:
Радуйся, душ наших сладчайшая весно;
Радуйся, сердец наших светлейшее утро.
Радуйся, высото недомышляемая;
Радуйся, славо неувядаемая.
Радуйся, блаженство нескончаемое;
Радуйся, благосте неизсякаемая.
Радуйся, веселие неизреченное;
Радуйся, воистину едина Преблагословенная.
Радуйся, превыше всей твари Превознесенная;
Радуйся, в житии сем нас заступающая.
Радуйся, в час смертный верныя сретающая;
Радуйся, яко и на Страшном Судищи спасаеши на Тя уповающия.
Радуйся, Владычице, знамения милости Твоея миру присно являющая.
Кондак 13
О, Всепетая Мати и Мати всем Христианом, Сына Твоего и Бога любовию подражающи, вопиеши к нам милостивно: не бойся, малое стадо, Аз есмь с нами и никтоже на вы! Темже Ти любовию припадающе и со слезами благодаряще, велегласно зовем: Аллилуиа.
Этот кондак читается трижды, затем икос 1 и кондак 1
Молитва
Царица наша Преблагая, надеждо наша, Богородице, Приятелище сирых и странных Предстательнице, скорбящих Радосте, обидимых Покровительнице, зриши нашу беду, зриши нашу скорбь; помози нам, яко немощным, окорми нас, яко странных, обиду нашу веси, разреши ту, яко волиши, избави отечество наше, страждущую землю Российскую, от лютаго безбожников обстояния, спаси и сохрани рабов Твоих (имярек) и всех нас, зде предстоящих и молящихся, и покрый нас от всякаго зла честным Твоим Омофором, яко не имамы иныя Помощи разве Тебе, ни иныя Предстательницы, ни благия Утешительницы, токмо Тебе, о Богомати, яко да сохраниши нас и покрыеши во веки веков. Аминь.
Cвятым царственным мучеником
Царю Николаю, Царице Александре, Царевичу Алексию и Царевнам Ольге, Татиане, Марии и Анастасии
Кондак 1
ихже память месяца иулиа в 4-й день
Составися сей акафист в земли Болгарстей, в прославление святых царственных страстотерпец российских, с любовию многою к многострадальному православному русскому народу, в лето от Воплощения Бога Слова 1999-ое, во славу Пресвятыя Троицы: Отца, и Сына, и Святаго Духа.
Кондак 1. Глас 8.
Державнейшии заступницы яже на земли Церкве Христовы, яко избавльшеся от злых предстательством вашим, похвальная восписуем вам. Вы же, яко имущии неусыпное о любящих вас попечение, и за всех православных милосердое заступление, от всяких нас бед свободите, да всепраздненственне зовем вам: Радуйтеся, многострадальнии мученицы царственнии, державнии рода христианскаго покровителие.
Икос 1.
Ангели предстатели земли русстей, и всей Церкви Христове абие по смерти явистеся, рода Романова страстотерпцы чудодетельнии: скончавшу бо ся земных страданий тяжкому времени, изгнания и уничижений горькое в радость вечную вам претворися: о, несказанныя славы вашея на небесех! Обаче не оставите нас, отцев законопреступных строптивых чад, но умилосердите Бога о поющих вам пение сицевое:
Радуйтеся, порфироноснии страдальцы.
Радуйтеся, царей благоверных удобрение.
Радуйтеся, Царя Небеснаго вернии раби.
Радуйтеся, о верних рабех Царю Царей молящиися.
Радуйтеся, на небеси царствующии вечно.
Радуйтеся, на земли чтущих вас пред престолом страшнаго Царя поминающии.
Радуйтеся, багряное грехов кровьми убелившии.
Радуйтеся, смирением и уничижением Царство вечное купившии.
Радуйтеся, славою несказанною сияющии.
Радуйтеся, Ангелы досточестно ублажаемии.
Радуйтеся, светлостию немерцаемою просвещаемии.
Радуйтеся, красотою божественною наслаждающиися.
Радуйтеся, многострадальнии мученицы царственнии, державнии рода христианскаго покровителие.
Кондак 2.
Видя Царь самодержавный шатания языков и тщетныя людей Своих умышления, возскорбе зело печалию Своею. Обаче уведев, яко прииде Ему час преити к Небесному Царю царей, до конца возлюби чада Своя, распинающыя Его, и моляшеся о прощении им вся, зовый Богу: Аллилуиа.
Икос 2.
Разумев Царствия Твоего земнаго скончание, не погубил еси упование Твое на Бога, О! многоскорбнейший Царю Николае, даже до конца веруя в любовь простых людей к Тебе. Ныне же мы, таковаго благочестивейшаго Государя, всем православным христианом в мiре покровителя и Отца милостивейшаго лишившеся, уразумехом кольми Бога нашего преогорчихом. О! прегрешения нашего бездны! Но не отрини нас, со слезами покаяния восписующих Ти сия:
Радуйся, державнейший Православныя Церкве на земли покровителю.
Радуйся, предъизящнейший Царю, всем по глаголу Христову служивый.
Радуйся, боготайный на земли Царя царей образе.
Радуйся, кротости и правды рачителю.
Радуйся, благочестивых российских царей украшение.
Радуйся, радуйся, благоверия прекрепкий блюстителю.
Радуйся, христолюбиваго воинства Твоего вселюбимый воеводо.
Радуйся, и последнейших людей Царствия Твоего милосердый печальниче.
Радуйся, милостивейший сирых и вдов защитителю.
Радуйся, матерей и детей всещедрый покровителю.
Радуйся, милостыни и помощи независтный подателю.
Радуйся, многих церквей и обителей святых строителю..
Радуйся, Царю наш сладчайший Николае, великий страстотерпче!
Кондак 3.
Сила искушений и скорбей не возможе ослабити любве Твоея к Богу и народу русскому, о, великоименитая Царице Александро! Паче бо изволила еси страдати с людьми Божиими, нежели обрести на земли чуждей временный покой: верою же не прияла еси избавление руками иноплеменник, да лучшее улучиши воскресение, поющи Богу: Аллилуиа.
Икос 3.
Любве Христовы образ предлагаеши нам, о, Царице Александро многострадальная! Дивно Твое Бога истиннаго возлюбление, дивно Промыслу Божию послушание, дивно терпение тихое и кроткое страдальчество! Темже процвела еси яко белоснежный крин, в муках сладчайшее свое благовоние испустивый, и в скорбех изряднейшее доброты своея благозрачие показавый: о, богомудрия души Твоея! О, целомудрия красоты и нравов благородствия! Приими и от нас, недостойных хваление сицевое:
Радуйся, новая Девворо, матернее заступление о роде христианстем имущая.
Радуйся, новая Руф, яко людие русстии — людие Твои, и Бог православных — Бог Твой.
Радуйся, новая Иудиф, прибегающих к покрову молитв Твоих защищающая.
Радуйся, новая Есфирь, исполнение Церкве ходатайствы Твоими от пагубы сохраняющая.
Радуйся, добродетельми прекрасными сияющая.
Радуйся, яко светлый облак нас от бед покрывающая.
Радуйся, Царице наша, и по смерти нас не оставляющая.
Радуйся, мати наша, паче прежде о чадех Твоих пекущаяся.
Радуйся, лозо, сладкий плод нам возрастившая.
Радуйся, пять мучеников царственных нам в заступление родившая.
Радуйся, Софие новая, смертию от возлюбленных Супруга и чад Твоих неразлученная.
Радуйся, Александре древней крепкомудренно уподобившаяся.
Радуйся, Александро многострадальная, честнейшая Царице земли русския!
Кондак 4.
Бурею страданий и скорбей не подвижеся сердце Твое, кротчайший Царевичу Алексие: от матерних бо пелен страданию обрученный, даже до последняго дне земнаго жития Твоего ярем Христов всеблагодушно носил еси, безропотно Промыслу Божию повинуяся, и всех нас, волнами страданий обуреваемых, во уповании и смирении Богу пети научая: Аллилуиа!
Икос 4.
Слухи мятежными и страшных мук приближением не возмутися тихое Твое на Бога упование, Отроче царственный, ибо сладчайшаго Спаса Иисуса любы сердце Твое озаряше: свеща горящая житие Твое на земли бысть, юже и лютейшая страдания угасити не возмогоша: сего ради добродетелей Твоих озареньми освещаемся и пети Тебе подвизаемся благоговением сицевая:
Радуйся, прекрасная любве Христовы свеще.
Радуйся, непорочныя девства доброты хранение.
Радуйся, за враги кротко молитися нас научаяй.
Радуйся, христианских добродетелей сияние нам излучаяй.
Радуйся, от пелен болезни плоти безропотно терпевый.
Радуйся, тем болезни нашя и недуги исцеляти благодать приемый.
Радуйся, целомудренною чистотою издетска просиявый.
Радуйся, и нас от скверны мiра сего сохраняяй.
Радуйся, милосердия Божия нам испрошаяй.
Радуйся, святыню девства любити научаяй.
Радуйся, Исааком древле прообразованному Христу сообразне.
Радуйся, Царевичу Угличьскому Димитрию смертию подобне.
Радуйся, многострадальне Царевичу Алексие, отроком покровителю и страждущым утешителю!
Кондак 5.
Богожренныя агницы дщери царевы явишася, от безбожных гонителей Церкве Христовы жертву благовонну Цареви царей принесшеся, и светильники своя елеем девства, милосердия, кротости и боголюбия до конца светящыяся соблюдше, свету невечернему Солнцу Христу во веки радуются и поют Ему песнь богокрасную: Аллилуиа!
Икос 5.
Видящи, о, святая Царевно Ольго, страдания родителей царственных Твоих и разорение зрящи любимаго Отечествия Твоего, не восхотела еси посягнути за князя иноплеменна, нетерпящи разлучения от возлюбленнаго дому Твоего, паче же хотящи сораспятися Христу, яко невеста непорочная Небеснаго Жениха. О, любве непреложныя сердца Твоего! Темже и нас не разлучайся предстательствующи присно о поющих Ти сице:
Радуйся, голубице, белостию девства блистающая.
Радуйся, Царевно, багряницею кровей красующаяся.
Радуйся, свеще благонравия богатносветлая.
Радуйся, невесто Христа светлопозлащенная.
Радуйся, равноапостольныя Ольги целомудрию поревновавшая.
Радуйся, богославных княгинь рода христианскаго благочестию подражавшая.
Радуйся, святым царицам христианским равноревностне пожившая.
Радуйся, кротостию и чистотою Богоматере другиня бывшая.
Радуйся, в ризу страданий за Христа позлащенную одеянная.
Радуйся, к Богу и Царице Небесней колесницею мучительныя смерти приведенная.
Радуйся, скорое Твое нам заступление в бедах подавающая.
Радуйся, за страждущее Отечество наше в молитвах с Богородицею неусыпающая.
Радуйся, всехвальная мученице Царевно Ольго, агнице Христова многострадальная!
Кондак 6.
Проповедницы преизряднии любве Христовы, о, девицы царственнии, явистеся, долготерпением и прекрепким вашым в скорбех упованием на Бога: сего ради величаем добродетели и исправления, имиже яко сребро седмерицею очищенно блистаетеся, и покланяющеся вам, радостно поем Богу: Аллилуиа!
Икос 6.
Возсияла еси в земли российстей яко пресветлая звезда, о, доброхвальная Татиано! Милосердым бо и смиренным Твоим служением больным, плененным, страждущым и в язвах лютых умирающым Христу Богу угодила еси: о, сострадания Твоего! Темже даруй и нам недостойным добродетели сими обогатитися, да поем Тебе таковая:
Радуйся, страждущым светлая радосте.
Радуйся, больным безсребренная целительнице.
Радуйся, плачущым тихое прибежище.
Радуйся, умирающым милосердия Божия ходатаице.
Радуйся, белостию добрых дел блистающая.
Радуйся, кротостию добрых нравов сияющая.
Радуйся, красотою девства Ангелы веселящая.
Радуйся, чистотою сердца Бога зрящая.
Радуйся, досадительства неверных людей долготерпевшая.
Радуйся, смертию за Христа добродетелей богатство запечатлевшая.
Радуйся, скоротлимаго рубища земнаго жития совлекшая.
Радуйся, в златопорфирныя ризы небеснаго жития облекшаяся.
Радуйся, доброхвальная мученице Царевно Татиано, тихое пристанище скорбящым!
Кондак 7.
Хотении божественными просвещаемы, вся скорби и лишения смиренно претерпели есте, девомученицы царственнии, юную плоть духу порабощающе, желания вся земная любовию ко Христу умерщвляюще, Егоже ныне невестолепно песнословите: Аллилуиа!
Икос 7.
Новыя жизни чающе, лучши нынешныя прелестныя, боголюбезнии царевны Марие и Анастасие, во изгнании и уничижении утесняеми, яко сребро искушено седмерицею озарястеся Духа утешеньми, и всею душею к Богу устремлястеся, молитвами многими, благоговейным в храмах Царю Небесному предстоянием и недвижным на Спасителя Христа упованием. Обновите убо и сердца поющих вам песнь похвальную сице:
Радуйтеся, диадимою безсмертия от Царя славы венчаннии.
Радуйтеся, красотою несказанною от Христа на небесех почтеннии.
Радуйтеся, чистотою девства Духу Божественному уневестившиися.
Радуйтеся, добротою душевною в Царствии Христове сияющии.
Радуйтеся, царственною лепотою вашею Церковь Христову украшающии.
Радуйтеся, голубицы белыя, в олтари Господни на крилу мук возлетевшии.
Радуйтеся, незлобием детским лукавствие темных умов посрамившии.
Радуйтеся, терпением крепким сети невидимых враг разтерзавшии.
Радуйтеся, смирением желчь супостатов ваших в сладость духовную преложившии.
Радуйтеся, простотою оцет злобы нектар жизни вечныя соделавшии.
Радуйтеся, крестом уничижений Царство славы приобретшии.
Радуйтеся, смертию мучительною жизнь прерадостную снискавшии.
Радуйтеся, царевни многострадальнии Марие и Анастасие, чистии невесты Христовы!
Кондак 8.
Странни во Отечестве вашем, еже на земли, изгнаны правды ради, слугами сатанины ненавидимы, во узилищи томимы, оскорбляеми и онеправдованы зрим вас, о, краснодушнии мученицы царственнии! Но аще и слезами чистыми о людех прельщенных плакасте, и о погибели страны российския горьце сетовасте, обаче веровасте до конца, яко приидет светоносный день, воньже вся отечествия православных единеми усты и единем сердцем воспоют о вас песнь Богу: Аллилуиа!
Икос 8.
Вся вселенная да ликовствует в нарочитый день праздника вашего, о, краснолепнейший личе царственных страстотерпец! Вся земля да приклонит колена пред несказанном величии страдания вашего, вси храмы православнии да возвышают сладкогласными трезвоны седмосветлое просияние славы вашея, вси вернии да поют вам во умилении хваления таковая:
Радуйтеся, земли русския всевожделеннии предстателие.
Радуйтеся, всем православным всещедрии заступницы.
Радуйтеся, святыя Церкве нашея всесветлая радосте.
Радуйтеся, всех любящих вас всечуднии покровителие.
Радуйтеся, всем уничиженным утешение.
Радуйтеся, всем озлобленным пристанище.
Радуйтеся, всем смятенным умирение.
Радуйтеся, всем колеблемым утверждение.
Радуйтеся, всем смиренным радование.
Радуйтеся, всем боголюбным празднование.
Радуйтеся, всем кротким озарение.
Радуйтеся, всем любобезмолвным умиление.
Радуйтеся, многострадальнии мученицы царственнии, державнии рода христианскаго покровителие!
Кондак 9.
Вся страдания ваша недостойны к славе, явленней в вас на небесех: за оставление — богоприятие, за поругания — прославление, за желчь и оцет — сладость вечную, за крест — венец, за муки — рай, от Бога праведне прияли есте, о превозлюбленнии! Мы же, тепле на заступление ваше надеющеся в веце сем и по смерти нашея, немолчно поем о вас Богу: Аллилуиа!
Икос 9.
Ветии суемудреннии николиже уразумеют величие славы и светлость праздника вашего! Царя бо православнаго своего отвергшеся, и суету мiра сего возлюбльше, иссохнут яко ветви безплодныя, лишены крепостнаго заступления вашего: мы же паче возлюбим вас и к вашему многомощному ходатайству прибегающе, возхвалим вы сице:
Радуйтеся, агнцы ради Агнца Христа убиеннии.
Радуйтеся, ангели, крилома молений чтущыя вас осеняющии.
Радуйтеся, незлобия и всепрощения образ нам явившии.
Радуйтеся, любве к Богу, Отечествию и дому своему всем правило бывшии.
Радуйтеся, глумления народа вашего с кротостию претерпевшии.
Радуйтеся, смирением углие злобы враг ваших угасившии.
Радуйтеся, непамятозлобия вашего ради Христу всыновившиися.
Радуйтеся, за враги молившеся, невидимаго супостата посрамившии.
Радуйтеся, добротворцев удобрение.
Радуйтеся, милосердия светлая зерцала.
Радуйтеся, благочестивых царей и цариц красование.
Радуйтеся, многострадальнаго рода нашего упование.
Радуйтеся, многострадальнии мученицы царственнии, державнии рода христианскаго покровителие!
Кондак 10.
Спастися всем к вам прибегающым Творца и Зиждителя и Бога нашего умоляйте, яко не в силе Господь, но в правде: вы бо есте сокровище наше истинное, со всеми святыми Церкве нашея, вы есте радост наша и утешение, и немолчное Троице Святей пение о вас возсылаем, зовуще: Аллилуиа!
Икос 10.
Стена нерушимая и оплот Церкве истинныя бысть иногда самодержавнейший Царь православный: но отъяся от среды держай и беззаконие покры удел Пречистыя Богоматере, и пролияся кровь яко вода по всей стране российстей: но избави ны, Господи, и очисти грехи нашя, молитв ради всех страстотерпец новых, наипаче же Царственных мученик дома Романова, слышащих благоуветливо от нас пения сия:
Радуйтеся, купнодушнии страдальцы, вседомовне душы вашя за Христа положшии.
Радуйтеся, светильницы всесветлии земли российския.
Радуйтеся, правдою божественною сияющии.
Радуйтеся, добродетельми изрядными блистающии.
Радуйтеся, Православия благоревностнии на земли хранителие.
Радуйтеся, Церкве Христовы державнии покровителие.
Радуйтеся, благолепие дому Божия возлюбившии.
Радуйтеся, тем в место селения славы Божия водворившиися.
Радуйтеся, образ истинный супружества христианскаго явившии.
Радуйтеся, любовию божественною в конец солнцезрачно озарившиися.
Радуйтеся, на подвиг страданий небоязненно шествовавшии.
Радуйтеся, в мире душевнем даже до убиения вашего Господа терпевшии.
Радуйтеся, многострадальнии мученицы царственнии, державнии рода христианскаго покровителие!
Кондак 11.
Пения благодарственная Богу во вся дни заточения вашего приносили есте от сердец кротких и смиренных: Ты же, Царице богохвальная Александро, непрестанное о научении детей своих Закону Божию попечение имела еси, и паче инех Бога за вся благодарила еси, верующи, яко по нощи мятежней паки возсияет солнце правды и озарится земля светом истины: мы же, вере вашей дивящеся, в покаянии зовем Богу: Аллилуиа!
Икос 11.
Звезд светлейшии и солнца яснейшии светила земли российстей явистеся, и всех православных возлюбленнейший Царь и Царица, дражайшии по Бозе и Богородице заступницы, вседомовне просиявшии и седморичным светолитием сердца веселящии поющих вам радощами таковая:
Радуйтеся, рая прекраснаго жителие светозарнии.
Радуйтеся, Небеснаго Царствия украшения царственнии.
Радуйтеся, земнаго Отечествия вашего сокровище дражайшее.
Радуйтеся, во мраце влающымся нам озарение светлейшее.
Радуйтеся, сердец наших утешение теплое.
Радуйтеся, умов наших просвещение ясное.
Радуйтеся, душ наших умирение пресладкое.
Радуйтеся, и телес наших покровение многонадеждное.
Радуйся, Царю Николае, и по смерти отеческое о нас имеяй попечение.
Радуйся, Царице Александро, матернее за дети нашя с Богородицею являющая заступление.
Радуйся, Царевичу Алексие, от болезни и пагубы младенцы и отроки соблюдаяй.
Радуйтеся, царевни Ольго, Татиано, Марие и Анастасие, от душетленных зол юныя сохраняющии.
Радуйтеся, многострадальнии мученицы царственнии, державнии рода христианскаго покровителие!
Кондак 12.
Благодать чудодейственную от Бога приемше, даже прежде прославления вашего на земли многая верным чудеса явисте, верою и любовию к вам прибегающым. Сего ради тщанием усердным к вам припадаем, и иконе вашей, яко самым вам сущым любовию кланяемся, чающе заступления вашего и в сем, и в будущем веце, ибо что вожделеннейше нам, паче еже вкупе с Царем благочестивейшем и Царицею вселюбимою Небесному пети Царю во вся веки благодарно: Аллилуиа!
Икос 12.
Поюще многая чудеса и заступления вашя, не вемы како возможем по достоянию изрещи вся нам дарованная вашим предстательством, о, богославнии и царственнии нам заступницы! Обаче приимите и от нас приносимыя вам венцы хвалений сия:
Радуйтеся, сущым в бедах скорыи избавителие.
Радуйтеся, сущым в скорбех радости подателие.
Радуйтеся, страждущым православным странам заступницы.
Радуйтеся, гонимых Христа ради известнии хранителие.
Радуйтеся, к вам прибегающым покрове, ширший облака.
Радуйтеся, любовию чтущих вас многосветлое веселие.
Радуйтеся, земли русския сокровище неотъятное.
Радуйтеся, Церкве Православныя красото священнолепная.
Радуйтеся, небосветлии звезды, светом заступлений нас облиставающии.
Радуйтеся, неботочнии реки, водою благодати нас напояющии.
Радуйтеся, нелюбовных нас любви научающии.
Радуйтеся, малодушных нас упованием на Бога обогащающии.
Радуйтеся, иссохшая сердца наша умилением умащающии.
Радуйтеся, омраченныя очи душевныя верою просвещающии.
Радуйтеся, многострадальнии мученицы царственнии, державнии рода христианскаго покровителие!
Кондак 13.
О, всеизряднии мученицы царственнии, радосте, упование и славо наша! Приимите малое хваление сие, всем сердцем от нас недостойных вам приносимое, и испросите всем верою и любовию вас чтущым милости и покровения от всех бед и зол, избавления от глада, потопа, труса, меча, междоусобныя брани и напрасныя смерти, и будущих мук избавитися нам Господа умолите, да во вся веки с вами поем Творцу и Богу нашему: Аллилуиа, аллилуиа, аллилуиа!
Кондак сей глаголем 3-жды, и паки Икос 1. И поем Кондак 1: Державнейшии заступницы.
Молитва:
О, Богославнии великомученицы царственнии, державнейшии заступницы Православныя Церкве: се ныне Церковь Христова прославляет подвиг страстоношения вашего, се ныне духовным светолитием вселенная просвещается свыше, и небо веселие в сердца любящих вас таинственно кропит: обаче аще и светлым облаком ходатайства вашего осеняема, земля наша беззаконьми содрогается и лютым растлением трепещет. Сего ради к вашему заступлению со слезами покаяния прибегаем, исповедующе, яко вельми согрешихом и Бога преблагаго преогорчихом грехи многими, отступихом от Небеснаго Царя, множицею щедрившаго народ наш, возвышавшаго рог благоверных князей и благочестивых царей наших, избавлявшаго нас от толиких бед и упования нашего николиже посрамлявшаго. Обаче и к Тебе подобает нам припасти, о, сладчайший и многострадальнейший Царю русский Николае! Се бо зриши плач и стенание наше: умоли Бога да простит неверность нашу закону Его, и приимет люди согрешившыя во объятия Своя. Ты бо еси отец и утешитель нам и по смерти, слава наша, и крепость, и надежда! Припадаем и Тебе, Царице и мати страждущым всем, великоименитая Александро: простри Твои руце к Богоматери, единей Радости скорбящих, и с Нею моли Царя царей о помиловании нашем. О, Царевичу Алексие! Кротчайший агнче царственный! Не смеем воззрети на лик Твой блудныма очима нашима, токмо простираем мысленне руце к Тебе, просяще небеснаго твоего заступления: сохрани всех нас от страшныя пагубы, мiр сей объявшыя, остеняя прибегающих к Тебе от навет сопротивныя злобы и козней видимых и невидимых врагов наших. О, треблаженнии девомученицы рода царскаго! Озареньми небесными просветите сердца наша, да не ослепит нас век сей прелестный к погибели вечней. О, преславнии страстотерпцы царственнии! Даруйте всем любовию теплою к вам прибегающии смирение, целомудрие и любовь к Богу и человеком, обогащайте нас терпением и на Бога упованием крепким в скорбех и бедах; в страданиих же умащайте сердца наша кроткою надеждею и тишиною вашего покровения, яко да ничтоже нас устрашит, ниже смутит, но да поведуем и чадам нашым славу вашу, юже от Бога достойно восприяли есте. Испросите нам у Бога дух покаяния и сокрушения о гресех наших, просветите ослепшыя сродники наша, от Веры праотеческия отступившыя, соблюдите нас и чада наша от суеты и злых обычаев мiра сего, от растлителей душ и телес, от заблуждений и ересей, от болезней и нечаянныя смерти. Предстаните нам, недостойным, в час кончины нашея, и избавите нас от лютых приражений темных демонов, и приведите к Страшному Судию в светлей одежде добре покаявшихся грешников, в надежде о помиловании и вечном спасении, яко да ничтоже разлучит ны от Христа Бога и от вас во веки веков. Амин!
|
|
